Shillong, Jylliew 07: Ka long kaei kaei kaba sngewsih bad ka jingjia kaba phylla namar ha Sohra kan juh don kata ka jingshoh ne lute ia ki nongwan jngohkai pyrthei ha baroh kine ki snem bala leit noh.
Ka long kaei kaei kaba pynkyndit, ha ka juh ka por la phah ruh ia ka jingsngewlem ia ka jingkhlad noh u Raja Raghuvanshi, ha ka juhka por la kdew ruh bara bor la juh pdiang sngewbha ia ki nongwan jngohkai pyrthei ha Meghalaya kaba kaba kyrpang eh ha Sohra namar ka dei ka pdeng jong ki jaka jngohkai.
U Bah Paul u la ong ba ha ka jingiakren bad ka lat pathai khubor Times Now ka Anmika Dutta Bereau Chief Time Now , la ong ba kam juh don kata ka jingshah ktah kti ia ki nongwan jngohkai pyrthei, kum ka sorkar dang mut ba kan sa hiar ka jingwan ki nongwan jngohkai ha dien kane ka jingjia, hynrei mar khongong ki dang bun shuh shuh kiba wan.
U Bah Paul la ong ia ka nongai khubor ka Time Now “Phi laleit hi da ladei sha Sohra mynnin, phila sakhi da lade ba kumno ki nongwan kai sha Sohra” u myntri u la ong balei ki briew kin shah kynnoh haba ai ka ka bam, u myntri umiohi kano kano ka daw.
Halor kane ka jingjia u myntri ka sorkar jylla u la ong ba un nym kren palat namar ai ba ka kynhun Special Investigation Team kan pyndep bad don ka jingkyrmen namar ka DGP kaba don mynta kala don ha Delhi bad u IPS ophisar ba tbit bha ki District police baroh ki long kiba tbit.
Haba shim kyllum, kam don kano kano ka jingleh kynsha jingleh khlem akor ia ki nongwan jngohkai da ki briew jong ka jylla kumba phi la iohi la ong u bah Paul sha ka nongpatai khubor Time Now ha ka jingiakren.
Halor ka jingthoh jong kiba ha iing jong Raja sha ka ophis u myntri rangahduh jong ka Ri India, u myntri ka sorkar Meghalaya ba dei peit ia ki kam jongkhai pyrthei la ong ba ia kane hap ban iaid kyrdan pa kyrdan.
La ong ba mynta ki pulit ki dang tohkit, ha ka juh ka por ka sorkar kala thaw ia ka kynhun tohkit kaba pyrpang ka Special Investigation Team, kumba ka long la iatip ba ki pulit jong ka jylla Meghalaya ki lah lah ban pyndep bun ki jingtohkit.
U myntri la ong ba ia mynta ym pat I don kam ia ka jingtohkit da ka CBI, hynrei lada ka jongtohkit ki pulit, ka SIT kam lah, dei halor kata ka nongrim ka sorkar kan sa shim kawei pat ka lynti, ka sorkar kan nym iada iano iano ruh la ki dei kiba napoh ne kiba na shabar ka jylla la da ki dei ki nongleh kam nisew.
