New Delhi, Jymmang 01: Ka jinglum khajna gross GST ha u bnai Iaiong, 2022 ka la kot sha ka T 1,67,540 klur ha kaba ka CGST ka long T 33,159 klur, ka SGST ka long T 41,793 klur, ka IGST ka long T 81,939 klur (kaba kynthup ia ka T 36,705 klur kaba la lum na ka bynta ka jingshalan ia ki mar shapoh ka ri) bad ka cess ka long T 10,649 klur (kaba kynthup lang ia ka T 857 klur ba la lum na ka bynta ka jingshalan ia ki mar shapoh ri).
Ka jinglum gross GST ha u Iaiong 2022 ka long kaba bun tam, kaba tam haduh T 25,000 klur haba ianujor bad ka jinglum kaba wan ba ar kaba long T. 1,42,095 klur ha une u bnai ba la dep.
Ka Sorkar ka la pynbeit T 33,423 klur sha ka CGST bad T 26962 klur sha ka SGST na ka IGST. Ka jinglum khajna baroh jong ka Sorkar Pdeng bad ki Sorkar Jylla ha u bnai Iaiong 2022 hadien ki jingpynbeit ka long T 66,582 klur na ka bynta ka CGST bad T 68,755 klur na ka bynta ka SGST.
Ki khajna na ka bynta u bnai Iaiong 2022 ki kiew 20% haba ianujor bad ki khajna GST ha une u juh u bnai ha u snem ba la dep. Ha une u bnai, ki khajna na ka jinshalan ia ki mar ka kiew 30% bad ki khajna na ki jingdie jingthied hapoh ri (kaba kynthup ia ka jingwanrahnabar ia ki jingshakri) ka kiew 17% haba ianujor bad ki khajna ba mih na kine ki juh ki tyllong ha une u bnai ha u snem ba la dep.
Kane ka dei ka sien kaba nyngkong ba ka jinglum gross GST ka la tam ia ka T. 1.5 lak klur. Ki e-way bill kiba la mih ha u Lber 2022 ki la kot sha ka 7.7 klur kaba long ka jingkiew kaba 13% haba ianujor bad ka 6.8 klur tylli ki e-way bill ba mih ha u Rymphang 2022, kaba dei ka dak jong ka jingstet jong ka jingkhyllie im biang ia ki kam khaii pateng.
Ka la don ka jinglum khajna kaba bun tam ha kawei ka sngi ha u bnai Iaiong 2022 kaba long ha ka 20 tarik u Iaiong 2022 bad ka jinglum kaba bun tam ha kawei ka kynta kaba long hapdeng 4 bad 5 bajenohphaisngi ha kato ka sngi.
Ha ka 20 tarik u Iaiong 2022, la siew haduh T 57,847 klur lyngba 9.58 lak tylli ki jingsiew bad hapdeng ka 4 bad 5 bajenohphaisngi, la jan T 8,000 klur kaba la siew lyngba 88,000 tylli ki jingsiew.
Ka jingsiew ba bun tam ha kawei ka sngi ha une u snem ba la dep (ha kajuh ka sngi) ka long T. 48,000 klur lyngba 7.22 lak tylli ki jingsiew bad ha ka kynta ba bun tam ka jinglum ka (2-3 bajenohphaisngi ha kajuh ka sngi ha u snem ba la dep) ka la wanrah T. 6,400 klur lyngba 65,000 tylli ki jingsiew.
Ha u Iaiong 2022, ki la don 1.06 klur tylli ki jingpynpoi ia ki GST return ha ka GSTR-3B bad na kine 97 lak tylli ki iadei bad u Lber 2022 haba ianujor bad ki 92 lak tylli ki jingpynpoi GST return ha u Iaiong 2021. Kumjuh ha u Iaiong 2022, ki la don 1.05 klur tylli ki statement jong ki invoice hapoh ka GSTR-1 kiba la pynpoi.
Haduh ka jingkylla u bnai, ka percentage jong ka jingpynpoi jingtip na ka bynta ka GSTR-3B ha u Iaiong 2022 ka long 84.7% haba ianujor bad ka 78.3% ha u Iaiong 2021 bad ka percentage jong ka jingpynpoi jingtip na ka bynta ka GSTR -1 ha u Iaiong 2022 ka long 83.11% haba ianujor bad ka 73.9% ha u Iaiong 2021.
Kane ka pyni shai ia ka jingkiew jong ka jingbud ki briew ia ki kyndon kaba la mih na ki sienjam ba ki bor ba dei peit ia ki kam khajna ki la shim ban pynshlur ia ki briew ba kin ai jingtip ha ka por kaba biang, ban pynsuk shuh shuh ia ka kam ai jingtip bad ka jingshim ia ki sienjam kiba khlain pyrshah ia kito kiba pynkhein ia ki ain khajna katkum ka data analytics bad ka artificial intelligence.
Kane harum ka pyni ia ki jinglong jingman ha ka jinglumkhgajna gross GST ha une u snem. Kane ka pyni ia ki jinglong ha ki jylla kiba iadei bad ka jinglum GST ha man ka jylla ha u bnai Iaiong 2022 haba ianujor bad u Iaiong 2021.
