Shillong, Nohprah 11: Ka jingpynlip light kaba khah khah ha kine ki sngi ka long ba ki dang pyntrei kam ia ka ia ka RDSS skhim ha kaba 2600 tylli ki transformer kiba la bujli da kiba thymmai, ka jingpynpur ksainar light thymmai 3800 km da kaba weng noh ia ki ksainar ba rim bad 4300 km la dang shna thymmai.
U myntri rangbah la ong ba kane ka dei ka skhim kaba T.900 klur tyngka bad ka jingtrei ka dang iaid bad ban pyndep ia ka jingtrei la hap ban pynlip ia ka light bad kane ka long kaba don kam bad kan don ka jingpyrshang ban pynduna ia ka lip light.
Ha ka juh ka por ka long ba kaba don kam ban pyntip sha ki paidbah, la kyntu ia ka tnad pynmiu bor ding bad ka MeECL ban kin phah ia ki jingtip sha ki paidbah kham thikna ba ki paidbah kin ioh ia ka jingtip.
U myntri rangbah la pynshai ba kane ka dei ka jingpynlip light, hynrei ka dei ba la pynlip khang ban pyntrei ia ka kam, u la ong ba u la ioh ia ka jingkhubor ha kaba ia dei bad kane ka jinglip light kum ha Shillong, Tura, Jowai bad kiwei kiwei ki jaka bad la leh ia kane na ka bynta ban pynioh ia ka bor ding kaba biang.
