Ka jingshallan beain ia u dewiong kan nym don lymda ioh jingiada na shalor:Dr Mukul

Shillong, Jylliew 03: U Nongialam ka liang pyrshah hapoh ka iing dorbar thawain jylla u Dr Mukul Sangma u la ong ba na ka jingkylla jong ki trok kit dewiong ha ki surok ka kren shai ba ka jingshallan beain ia u dewiong na kane ka jylla ka dang iaid.

Haba kren ha ki lad pathai khubor mynta ka sngi ha iing shah jong u u la ong ba, ia kane ka jingshallan beain ia u dewiong kan nym lah ban long khlem da ioh ia ka jingiada na ki bor kiba halor, ia kaba kane ka sorkar ka len la ka long ha iing dorbar lane sha bar ka iing dorbar ruh kum juh.

La ong ba na ka liang jong ka liang pyrshah kan nym shong klit kti hynrei kan sei madan bad thad ia kane ka jingleh jong kane ka sorkar jylla kaba mynta. La kynnoh ba ka jingpynslem ban pynlait ia ki shallan ka long ka daw ba u don u dewiong ba la tih beain, ha ka jingshah dei ban shah tang ia u dewiong ba la dep ban thew da ka NGT.

Ha ka sorkar jong kala shim khia ia kane ka kam bad ki shithi kila iaid sha ka sorkar pdeng bad kane ka sorkar kaba mynta ruh ka phah ia ki juh ki shihti khlem da pynkylla wat ia u koma lane u phulstop, ka jingiapher ka long tang ka jingsign kaba Mynshuwa la sain da u Dr Mukul Sangma bad kiba mynta la sign da u Conrad K Sangma.

Kumba ka long kane ka kam dewiong na ka liang jong ka sorkar Meghalaya bad ka ki tnad sorkar jong ka sorkar pdeng kila leh ia ka kam kaba dei ban leh, kaba sah mynta ka shnong sa tang ha ka mon jong ki briew kiba don ha ka bor ban pynlait ia u dewiong, la ong u Dr Mukul.

Haba ia dei pat ba ka sorkar pdeng ha Delhi na ka liang jong ka seng Congress kan long kaba peitngor ban peit ba ia ka synsahr paidbah ymd ei ban ialehkai, namar kane ka sorkar BJP kan pyrshah ban pynkhih lada ym don ba pyrshah kan iaid sha khmat ia kaei kaba ka thmu, na ka liang jong ka seng Congress kan nym ailad.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet