Shillong, Nailar 25: Ka tnad ialehkai ka sorkar jylla kala iohi ia ka jingangnud jong ki paidbah ban ioh peit ia kajingialehkai semi phainal hapdeng ka Shillong Lajong FC bad ka Northeast United FC ha ka 133rd ka Durand Cup 2024, la shim ia ka rai ban pynbuh skrim heh ha ki 9 jaka ban ioh peit kai ki paidbah.
Ka tnad ialehkai ka sorkar Meghalaya kala pynshai paidbah ba ka JN Stadium ha Polo ka ngiam tang 15000 ngut ki nongpeit kai bad kane ka long kum ki jingbtah haba pynlong ia ki jingialehkai haka kyrdan ka ri.
Ki saw tylli ki jaka shnong shaneng bad sha ruh bad ar tylli ki jaka shnong na mih ngi bad sep ngi ia ki tiket jong kine ki jaka shong khlem die namar ba ia kine la buh tag ban peitkai haba don kiwei ki jingialehkai namar kine kin long ki jaka ban iohpeit bha ia kiwei ki jingialehkai.
La pyrshang ban die ia ki tiket sha ki paidbah kiba don ka jingieti ia ka jingialehkai kynjatball bad tang khyndait eh la mang na ka bynta kito kiba kyrshan ia kane ka jingiaehkau kumba la shimrai da kiba pyniaid ia ka Durand Cup bad ia ki briew jong ka sorkar.
Katba ka kynhun ialehkai ka Shillong Lajong FC bad ka Northeast United FC ki ioh tang mar 100 tylli ki tiket kane la leh katkum ki rule kiba don ha ka jingialehkai, namar ka jingthrang ki paidbah ban peit ia kane ka jingialehkai ia ki tiket ba dei jong ka sorkar la die lut baroh.
La bthah ruh ia baroh kito kiba la dep ban thied ia ki tiket ym shan ban die shawei, lada don kum kita ki jingdie pyntip sha ki pulit, baroh ki tiket ki don ki muhor bala shonshap kiba lah ban shah ban rung sha Stadium. Kiba thied online ki tiket ki hap ban shim na Box ophis ha Soso Tham Auditorium mynta ka miet.
La shai ka sngi ba don ka jingialehkai yn nym shah iano iano ruh ban don ha jan ka jaka ialehkai kiba khlem don tiket ha dien ka 12 baje shiteng sngi, namar ka jingduna ki jaka shnong ha JN Stadium bad ban pynthikna ba ki paidbah kin ioh ka kane ka jingialehkai la tnad ialehkai kala rai banbuh ia ki skrin heh ha ki 9 tylli ki jaka.
Ki jaka kiba ynbuh ia ki skrim heh ki long ha, 1) Malki Sports Ground, Malki 2) Madan Saw, Golf Links 3) Madan-Heh Ground, Mawlai 4) Police Point Parking Lot, Laitumkhrah 5) Umpling, Mawarliang 6) Madan Daimasi, Ladthalaboh, Jowai 7) Pahamsyiem Ground, Nongpoh 8) Patharkhmah Hr. Sec. School, Patharkhmah 9) Nongstoin Playground, Nongstoin.
Ia kane ka jingialehkai ynpynipaidbah ruh ha ki skrinheh ong ka DIPR kiba don ha Police Bazaar bad PHC, Rynjah. Na ka bynta ka jingshngian jong ki nongpeitkai la bthah ia baroh ban bud ia ki kyndon kumba la bthah da ka tnad ialehkai ka sorkar jylla.
