Shillong, Lber 23: U Chief Executive Member (CEM) jong ka KHADC u bah Titosstarwell Chyne mynta ka sngi la pynshai ba na ka liang jong ka KHADC kam pat ai ia ka NOC ban shna lynti rel wat la ka sorkar kala pynkynmaw la 39 sien haba ia dei bad ka jingpan NOC.
Haba kren ha ki lat pathai khubor mynta ka sngi u CEM jong ka KHADC u la kyntaid war is ka jingkam u Symbut Myntri Rangbah ka jylla ba ka KHADC ka la dep ban ai jingbit lane ai NOC ha ba ia dei ba ka jingthmu ban pynpoi lynti rel ha byrnihat.
U Bah Titosstarwell u la ong Shuh Shuh ba ha ka jingpeit jong u ia ki kot ki sla ha District Council u khlem lap satia ia ki kot ki sla ba na ka liang ka KHADC ka la ai sha ki tnad pyniaid lynti rel ka sorkar india ia kata ka NOC.
Kaei kaba la shem bad la lap na ki kot ki sla kiba don ha KHADC la shem ba ka sorkar jylla kala thoh sha ka KHADC haduh 39 sien ban pynkynmaw ia ka jingpan NOC ban shna ia ka lynti rel ia kaba ka KHADC kam pdiang ia ka jignpang NOC.
U CEM ka KHADC u la ong ba na ka liang ka KHADC haduh mynta hi ka ieng halor ka nongrim ban nym ai NOC katba ki trai jaka bad ki seng bhalang kim pat pdiang ia ka lynti rel ha Byrnihat.
