Jowai, Naitung 13: U Bah O R Challam president jong ka Sein Raid Jowai, u la ong ba ka jinglehniam Behdeinkhlam kaba saw sngi lynter kala sdang mynta ka sngi ha ka por ar baje bad yn pynkut ha ka sngi u blei ha Eitnar ha kaba baroh kin wanrah ia ki rot ha kane ka jaka.
Na ka liang jong ki long iing long sem mynta ka sngi ha ka por mynstep kila pyndep ia ka niam ka rukom ban ai bam ai dih ia u long shuwa man shuwa kiba dei jong ka iing ka sem bad ia ka jinglehniam Behdien khlam ka sdang ha ka por ar baje mynta ka sngi da ka jinglehniam.
Kane ka jingleh niam Behdien khlam la pynlong hapoh ka Raid Jowai ha dien ba la dep ka jingthung kba bad kane ka dang neh dang sah haduh mynta ban ai nguh ia u blei nongbuh nongthaw bad ban pan ia ka jingkyrkhu kyrdoh na u.
La iathuh ba ha ka sngi bret ia ki rot ban pynkut ia kane ka jinglehniam Behdeinkhlam, kiba la thikna ban poi sha kane ka sngi pynkut ki long u Lat jong ka jylla Meghalaya u Banwarilal Purohit, U Secretary ka pule puthi jongka sorkar pdeng bad u Secretary jong ka North Eastern Council u Ram Muviah, la ong ba ki myntri jong ka sorkar jylla ruh kin ia poi ha kane ka sngi.
