Shillong, Kyllalyngkot 24: Ka ophis jong ka Lok Bhavan kan pynlong ia ka jingpyninam ia ki syntiew kaba ar sngi lynter kata ha ka 26 bad 27 tarik mynta u bnai kyllalyngkot 2026, ia kane ka jingpyninam la ia treilang bad ka Shillong Agri Horticultural Society bad ka tnad Directorate of Horticulture.
Ia kane ka jingpyninam ia ki syntiew yn plie da u Lat ka jylla u C.H. Vijayashankar ha ka 26/1/1016 ha ka por 8.15 baje mynstep, ha kine ki ar sngi yn pyni paidbah ia ki syntiew kiba bun jaid ban pyniia ka jingbun ki syntiew ki skut kane ka thain bad ban kyntiew ia ka rep syntiew.
Ia kane ka jingpyninam ia ki syntiew yn shah ia ki paidbah ba kin leit ban peitkai naduh ka por 3.00 baje noh phai sngi haduh ka por 8.00 baje mynmiet ha ka haka 26/1/2026 bad ha ka 27/1/2026 kan long naduh ka por 1.00 baje shiteng sngi haduh ka por 8 baje mynmiet.
Kane ka jingailad ia ki paidbah ba kin leit ban jngoh ia ka Lok Bhavan ka long ba kin leit ban peitkai ia ki syntiew ki skut bad kum juh ba kin pynjah thiat bad pynbyrngia ban pynyngad ha kine ki ar sngi kiba pyninam ia ki syntiew.
