Shillong, Naiwieng 18: KA Meghalaya AIDS Control Society ha ryng kat ka jing iatrei lang bad ka National AIDS Control Organisation kan pynlong ia ka Red Ribbon Superstar Meghalaya Icon 2023 ha lor ka phang Uniting Voices against HIV and AIDS Through Rock Music.
Ia kane ka audition yn pyn long ha ka 30 tarik u November ha poh ka Community Hall jong ka wahingdoh bad ki kynhun ki ban poi sha ka kyrdan ba 7 ki ioh ban leit sha ka Grand Final ka ban long ha polo Ground Shillong ha ka 1 tarik u bnai December.
Na ka liang u bah Bankitlang Pasi Kharkongor u la pynpaw ba Ka jing thmu ban pynlong ia kane ka Meghalaya Icon ka long ban ai ka jing hikai ia ki paidbah ha lor ka jing saphriang ka jing pang HIV and AIDS .
kane ka ka long ruh kum kawei na ki lad ia ki khynnah ki ba naduh ka 15 ha duh 29 snem ka kyrta ba kin pyn i ia ka sap jong ki. U la bynrap ruh ba naka liang ka Meghalaya AIDS control Society ka la ioh ban pynlong ia bun ki jing ai jing hikai halor ka jing saphriang jong u khniang jing pang HIV and ADIS ha ki school bad ki colleges.
Ha ka ba iadei bad ka Meghalaya Icon u la pynpaw ba ki paibah ki la ap khmieh lynti ban pynlong ia kumkane ka jing ia kop rwai. Ha ka baia dei bad ki kyndon jong ka ne ka jing iakop ka long ba ki nongrwai ki dei ban rwai kat kum ka phang pdeng ba ki la buh, bad ka ki nong ia shim bynta ki dei ban long na duh ka 15 snem ka kyrta ha duh ka 29 snem ka kyrta.
U la bynrap ruh ba ka long ka ba don ka ia ki nongwan ia shim bynta ba ki dei ban leit mih sha ki Integrated Counselling and Testing Centre ki ba don ha ki hospital Sorkar.Ha kana ka program yn wan ruh ban ia shim bynta da ka nongrwai ba paw ka jylla ka kong Lily Sawian, DJ Dbryn, bad Bellas ki ba dei ki khynhun shad.