Shillong, Nailar 21: U Myntri ka tnad ïalehkai ka Jylla u bah Shakliar Warjri, u la wan ban sakhie ia ka jing ialeh kai mynta ka sngi ka 21 tarik u Nailar 2024 ha ka jingïakhun Quarter Final hapdeng ka Shillong Lajong FC pyrshah ïa ka East Bengal FC, kaba la long ha madan Jawaharlal Nehru, Shillong.
Shwa ban sdang ka jingïakhun u Myntri ka tnat ïalehkai u la pynpaw ïa ka jingthmu ba hakhmat eh jong ka Mission Football 2.0 ka ban sa sdang noh shen.Haba kren shaphang ka Mission Football 2.0, ka thmu ban kyntiew ïa ki jaka ialeh kai ha ki kyrdan ba shapoh bad kan ïarap ban kyntiew ïa ki nongïalehkai trai ri.
U la pynpaw ruh ia ka jingjop jong ka Mission Football 1.0 da kaba ai nuksa ia ki nongialehkai trai ri kiba la sdang ha ki jaka ba rit bad ki la ioh ia ka lad ban pyni ia la ka sap ha ki jingialehkai national bad international kynthup ia ka Bonfillia Shullai kaba dei tang ma ka ka nongialehkai phutbol Meghalaya kaba mihkhmat ia ka India ha ka U-16.
Ka lympung ialehkai jong ki kynthei SAFF ha Nepal mynta u snem. Ka la long ruh ka vice kapten jong ka kynhun. U Givenson Suting bad u Samwan A. Lato kiba la soi sha ka Bengaluru FC Youth Academy ha u snem 2023 katba ka Sanfida Nongrum bad ka Fragrancy Riwan ki la sdang ban pyntbit ha Mumbai bad ka Baichung Bhutia Football Schools.
Palat 16 ngut tam ki nongïalehkai na ki grassroots centre ki la mihkhmat ïa ka jylla Meghalaya ha ki National Football Tournament bapher bapher ba kynthup ïa ka Khelo India Youth Games, ha kaba ka kynhun U-17 ka la khur ïa ka jingjop ha u snem 2024, u la bynrap.
U myntri ialehkai u la pyntip ruh ba hapoh ka Mission 2.0, yn pynkylla ia ka rukom siew tulop jong ki Coach ha ki Grassroots Centres katkum ka laisen bad ka syrnod jong ki bad yn phah ia ki Coach ban leit shah hikai hapoh ka Refreshers course ban kyntiew ia ka jingnang jingstad jong ki kum ki nonghikai, bad na ka bynta ki nonghikai yn pynbiang ruh ia ki nongkyrshan,ki Referee bad ki nongpyniaid.
U la ong ruh ba ha kine ki khyndiat snem ba la dep kila don bun ki club shnong hapoh ki jaka bapher bapher kiba ai jinghikai ia ki samla kiba kwah ban long ki nongialehkai, bad ka Sorkar ka tip ba ki donkam ia ka jingiarap. Ha kane ka bynta, u myntri ialehkai, u la pynthikna ba ka liang ka tnad ialehkai kan ai jingiarap pisa kaba haduh 15 lak tyngka kum ka jingkyrshan ia ki klob trai ri.
Haba pynpaw ba ka Meghalaya kum ka jylla kaba ieid ïa ka phutbol, ka Sorkar ka kyrmen ba ka Mission Football 2.0 bad kiwei kiwei ki jingthmu kin kyntiew ïa ka ka Futbol ha ka Jylla Meghalaya.
