Shillong, Jymmang 28: Ka Niti Aayong ka la aiti ia ka Quality Council jong ka India – NABH, ban khmih pat bad pynskhem ia ki Key Performance Indicators (KPI) na ka bynta ka jingai kyrdan ia ki District Hospital ha kylleng ka India.
Ka NABH ka ai ia ka orientation bad training sha ki faculty jong ki Institute ba paw khmat kum ka AIIMS bad ki Institute kiba ia syriem kum ka AIIMS bad katto katne ki Govt. Medical College, ki ban sa leit pat sha ki District Hospital bad ioh kem ia ki Indicator kumba la batai bniah ha ka Training. Ia ka jinglut jingsep baroh yn bah khlieh da ka NABH.
Ha ka Thain Shatei Lam Mihngi ka NABH ka la kyrpad ban pynlong ia ka training programme kaba shisngi ha NEIGRIHMS da kaba pynrung kyrteng ia ki faculty bad ki resident kiba kwah ban iasoh lang. Bad ki katto katne ki doctor sorkar kiba la jied da ka NABH ki la ruh ban ia shim bynta ha kane ka training programme.
Ia ka training yn ai da u Asst. Director, NABH, New Delhi ha ka 30.05.2019 naduh 10 baje mynstep haduh 4 baje janmiet da ka jingplie pyrda da u Director, NEIGRIHMS bad ka jingiadon ryngkat jong kiwei ki riewpawkhmat ha ka Surgical teaching room.
Ka Programme ka iarap ia ka ‘capacity building’ hapoh NEIGRIHMS da kaba hikai nyngkong ia ki faculty halor ka phang jong ka ‘quality bad accreditation’ ha ki jingshakri ban ai jingsumar ha ki hospital.
Kino kino doctor kiba trei ha kano kano ka District jong ka Thain Shatei Lam Mihngi ki lah ban ia shim bynta ha ka Training Programme ka ban sa long ha NEIGRIHMS ha ka 30.05.2019.
