Shillong, Jymmang 18: U bah Sniawbhlangu la ong ba ka jaka ba la tei ia kane ka Phatok ba thymmai ha New Shillong Township ka heh 25 Akar eiei bad ha kane ka Phatok thymmai yn lah ban ai jaka sah haduh 1000 ngut ki koidi.
Nalor kane u bah Sniawbhlang u ba peit ruh ia ka tnat Transport u la iathuh ba ka jingtei ia ka Shopping Complex bad ka jaka ieng kali ha Khyndai Lad ka long kaba iaid beit iaid ryntih bad shen ka Khyndai Lad kan sa kylla dur noh.
Ha kane ka sngi u bah Sniawbhlang u la wan ban jurip ia ka jingtei ia ka Shopping Complex bad ka jaka ieng kali ha Khyndai Lad ha ka jingdon lang u MLA ka Jowai u bah Wailadmiki Shylla, u CEO ka Municipal, ki Kontraktor lem bad kiwei kiwei de.
U symbud myntri ka sorkar jylla u bah Sniawbhalang Dhar u ba peit ia ka tnad Prison u la pyntip ba shen yn sa pynkynriah noh ia ki koidi ba Jailroad shillong sha ka shillong jail ba thymmai ka ba don ha New Shillong Township.
Haba kren sha ki nongthoh khubor hadien ka jingleit ban jurip u bah Dhar u la ong ba la dep shim ia ka rai ba thaw noh ia ka jail ba thymmai ha New Shillong Township bad haduh kine ki sngi ka jing pyntrei ia kane ka kam ka dang iaid beit shakhmat, bad kham hadien ba la biang lud ki jingdonkam ha katei ka jail ba thymmai, yn sa pynkynriah noh na Jail Road sha New Shillong Township.