Shillong, Naitung 30: U Chief Secretary jong ka jylla Meghalaya u P S Thangkhiew mynta ka sngi u la pyntip ba ia ka “22nd National Conference on e-Governance” 2019 bad kane kan long ka sien kaba nyngkong ka ban long kum kane ka jingiakynduhlang ha Shillong.
La iathuh ba ki jylla ki ban wan ia shim bynta ha kane ka jingialang kiba la pynthikna ba kin wan ia shim bynta ki long 28 tylli ki jylla bad 8 tylli ki union territory bad ki briew ban wan na kylleng kin poi 450 ngut. Ka jingpoi tang katne ka long ba duna ki jaka sah.
Ia kane ka jingialang kaba ar sngi ka ban long ha ka 8 bad 9 tarik jong u Nailar, yn plie da u myntri rangbah ka jylla u Conrad K Sangma, ha kaba u myntri khynnah ka sorkar pdeng u Dr Jitendra Singh un long u symbut kongsan, kin don ar ngut ruh ki Secretary jong ka sorkar pdeng kin poi sha kane ka jingialang.
Ha kane ka jingialang ki jylla ki ban wan ia shim bynta kin pynipaidbah ia kaei kaba ki don ban leh nangne sha khmat ha ka ban kyntiew ia ka jingpyntrei kam ha ki ophis ka sorkar bad ka jylla Meghalaya kan pyni ia ki lai tylli ki kam kiba kan sa pyntrei kam.
Ha ka jingkren u V. Srinivas u la ong ba ka don ka jingpynkhreh ban pynlong kawei ka Ri kawei ka portal ha kaba baroh ki jingdon kam ynioh ha kawei ka jaka bad ka don ka jingpynkhreh ban pyntrei kamha ki ophis khlem da pyndon kam kot sada.
Ha kane ka jingialang la don ruh na baroh ki tnad sorkar jylla,ha kaba ka additional Chief Secretary jong ka jylla ka long R V Suchiang jong ka sorkar Meghalaya, ia ka jingialang la plie da ka secretary jong ka tnad pathai khubor jong ka sorkar jylla ka NM Nampui.
