Shillong, Lber 01: U Myntri ba dei peit ia ka tnad pule u bah Lahkmen Rymbui la ong ba ka kam ba ia dei bad ki nonghikai SSA kam dei kaba suk, dang shen u la don ha Delhi bad u la ia kren ia kane ka kam bad ka sorkar pdeng.
Na ka liang jong ka sorkar jylla kala pynkhreh ban leh ei ei na ka bynta ki nonghikai ban siew ia ka tulop jong ki shuwa ka 31 tarik mytna u bnai, la pynkynmaw ba ka sorkar ha u snem 2019 kala mang pisa haduh T.78 klur na ka bynta kane ka kam bad ka sorkar kan sa peit ha dien kane ka dorbar mang tyngka.
Haba ia dei bad ki pulit la ong ba ia mynta ka jylla ka don ka jingduna pulit ka sorkar kala pynlong ia ka eksamin na ka bynta 900 tylli ki kam pulit bad shen ka sorkar kan sa pynbna sa ia ki 48 tylli ki kam ba lait, kumba ka long mynta ka don ka jingduna briew haduh 1800 ngut hapoh ka tnad pulit.
Da kane ka jignduna ka jingdon ki pulit ha ka jylla hynrei na ka liang jong ki pulit kila leh ia kaba bha tam ban ia leh ban khang ia ki kam beain bad haba ki ioh ia ka jingtip ki pulit ki leit ban pynsangeh ia k jingtih dewiong beain.
