Shillong, Lber 25: Mynta ka sngi ka Joint Action Committee kaba kynthup ia ka kynhun ki nongrep kiba don ha rud kawah Umngot mynta ka sngi kila pynlong ia ka jingialang paidbah ha Mynsang bad ha kane ka jingialang la dawa ba ka sorkar ka dei ban aid a ka jingthoh ba kala pynduh ia ka Umngot Hydro Electric Project.
Ki kynhun nongrep ha rud wah Umngot mynta ka sngi ki lah ia pynlong iaka jingialang paitbah da kajuh ka sur ki ieng ban iai pyrshah tad haduh ba kin da ioh daka jingthoh haka kti na ka sorkar ba ia ka Umngot Hydro Electric Project lah pynduh pyndam.
Ka JAC kala pynpaw ba kane kan ktah jur iaki hajar ngut ki nongrep ka thaiñ bad kiba kamai jakpoh na ka tourism lada den iaka Wah Umngot .Ka ne ka jingialang paitbah kaba heh bha lah pynlong haka shnong Mynsang kaba don ha Mawkynrew Block bad kaba don hajan ka wah Umngot.
Ha kane ka jingialang ki paitbah lah ia donlang ki nongialam ki nongialam ka JAC kaba long pyrshah ia kane ka jaka pynmih bor ding ki long na ki nongialam ka KSU, JSU, FKJGP, HNYF, TUR bad ka Meghalaya Rural Tourosm Forum.
Ha kane ka jingialang lah don lang ki nongsynshar shnong na baroh ki shnong kiba don shi lynter ka Wah Umngot bad ki nongsynshar bad nongialam shnong naka Elaka Darrang.
Ha kane ka jingialang lah mih ka sur na u paitbah bad ki lah ia pyrta lang baroh da kaba ong ” Ban den iaka Wah Umngot, Ngi pyshah” bad baroh ki nongkren kiba kynthup u bah Shemphanghun Mukhim u secretary JAC, Naki Nongrep kiba la kren ki long u bah Dranik Mukhim na Mynsang, u Dwiat Lynshiang u sordar mawsir, kong Saphina Suting umsaw.
Na ka liang jong ki seng bhalang kiba la kren ki long na ka FKJGP Bah Bris Mawthoh,JSU bah Treibor R Suchen, KSU bah Shiningstar Kharbihkhiew, TUR kong Angela Rngad, Tourism bah Reachingson Khongwang, Na u Sordar shnong Shnongpdeng Nangta Doloi Elaka Darrang Bah Pyrwa Lymba. Iala jingialang lah pyniaid da u bah Phyrnailang Marboh vice president kynhun nongrep ha rud wah Umngot.
