Ka sorkar kadei ban pyntrei kam ia ka kaiphot ka HLC halor ka Them Metor: Titos

Shillong, Risaw 19: “ Nga ruh nga dei khot jong ka High Level Committee nga ia don bynta ha ka ban ai ia ka jingmut sha ka sorkar kumno ban pynkynriah noh ia ki briew kiba shong ha Them Metor” la ong u bah Titosstarwell Chyne CEM jong ka KHADC.

Haba kren ha ki lat pathai khubor u CEM ka KHADC  la pynsngew kaei ka bynta jong ka District Council ba ki don bynta ha kaaiphot jong HLC, kumba phi ia tip ba katei ka jaka ka hap hapoh jong ka Hima Mylliem.

Haba ka HLC kala ia shong bun bun sien kala mih kawei ka jingiamir jingmut lang ba ia kato ka jaka kaba hap hapoh jong ka Hima Mylliem yn aiwai noh sha ka sor jylla khnang ba ka sorkar kan ioh namar ka jingthmu jong ka sorkar kam dei ba ki kwah ban lehbein ia ki.

Kito kiba shong hangto ki dei ban sngewthuh, sngewlyngoh ha kine ki sngi la pynmih ia kane ka phang kum kawei na ki mat ban pyniapher jaidbynriew bad kum ka phang la I kumba leh bein iano iano, kane kam dei kata, kane ka dei tang pynkynriah ia kito kiba trei bad ka sorkar bad ai jaka ba biang ba kin shong kin sah shawei pat.

Ia kato ka jaka kaba lait kaba hap hapoh ka Hima Mylliem khnang ba kato ka jaka kan long kaba kham kylluid, kaba kham  itynnad, kaba kham shyngian ia ki paidbah jong ka jylla bad la ai jingmut ban aiti noh sha ka sorkar ka tnad pynroi sor khnang ban lah ban leh ei ei ia kato ka jaka bad ban shna ia kano kano ka jingshna ban pynmyntoi ia ki paidbah ka jylla.

Kata ka dei ka jingthmu jong ka HLC kaba ki ai jingmut sha ka sorkar, balei ka mih kane ka jingiakren namar katei ka jaka kala kyllong ka pdeng ka khaii pateng jong ki katto katne ki jaidbriew ki bym dei hok wat ban leh khaii beain ha kato ka jaka bad kane la pynsait met ia ki paidbah.

Kane kala long ka jingshong syier ia ki paidbah bad kala don ruh ki jaid kam pa ki jait kam kum ka jingdie drok, kila don ruh bun siew ki briew ki shah shoh ki shah lute hangto, na kata ka daw ban wanrah ia ka jingshong shngian ha kato ka jaka na ka liang ka HLC ban pynkynriah ia ki.

Mynta ka shong ha sorkar ba ka dei ban leh beit ia ka ei kaba la ai jingmut ka HLC, ka jingaijingmut ka HLC ka long kaba shnognia, kaba shongain kaba kam don kano kano ka jingleh jubor bad kano kano ka jingleh beain.

Haba ia dei bad kiwei pat ki briew kiba shuwan shong beain ha katei ka jaka ka dei ka kamram jong ka sorkar ban pynkynriah ia ki, haba shong beain ia uno uno u briew ruh wat la dei u khasi ruh haba shong beain jaka sorkar ka sorkar ka don ia ka sorkar ban pynkynriah, mynta ruh ka juh ka kyndon kan trei kam na ka bynta jong ki ruh haba ki shong beain ak sorkar ka don hok ban pynkynriah ia ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet