New Delhi, Naiwieng 29: Ka sorkar pdeng kala dang pyniar ia ka jingpyntreikam iaka Pradhan Mantri Jan Arogya Yojana (AB-PMJAY) ban ai jingsumar ei haduh san lak tyngka ha ka shisnem naka bynta baroh kito ki riew tynmen kiba la palat ia ka 70 snem shaneng, kane ka long kyllum ia baroh katta naduh ka 29.10.2024.
Katkum ka jingkhien kaba ha dien eh, ka jingiarap kaba ki dei ban ioh ia ka koit ka khiah ka long katkum ka kyndon jong ka 1961 naka bynta ki 27 ki jingsumar kiba kyrpang bad kito ki kynthup ia ka, General Medicine, General Surgery, Orthopedics, Cardiology, Oncology bad kiwei kiwei.
Kiwei pat kiba lah ban ioh ia ka jingmynta ha ki rta bapher bapher ki long kum ka , Hemodialysis,Peritoneal Dialysis, Acute Ischemic Stroke, Accelerated hypertension, ka jingsumar ia ka syngkai, Khohsiew, PTCA, inclusive of diagnostic angiogram, Single Chamber Permanent Pacemaker Implantation, Double Chamber Permanent Pacemaker Implantation kine ruh kin ioh jingmyntoi ia ki riew tynmen katkum ka jingdon kam.
La khien antad ba ki ban ioh ia kane ka jingmyntoi da ki riew tynmen kiba la palat 70 snem ka rta kan long kumba 4.5 klur ngut bad ka jingbuh ia ka thong na ka bynta kane kan long haduh 6 klur ngut ki riew shimet ha kane ka skhim.
Haduh ka 25/11/2024 la dep bans am 14 lak tynlli ki Ayushman Vay Vandana cards na ka bynta ki riew tynmen kiba la palat 70 snem kila dep ban ioh ia kane ka skhim. La dep ban mang pisa T.3,437 klur bad na ka bynta kane ka sorkar pdeng kan bei T.2,165 klur bad la antad ba kan lut ha u snem mang tyngka 2024-25 nad 2025-26.
Kat ha ka 31.10.2024 la ioh ia ka jingpynithuh haduh 29,870 tylli ki hospital bad na kine 13,173 tylli ki dei ki hospital jong ki riew shimet, kane kalong katkum ka jingjubab jong u myntri khynnah ka tnad ka koit ka khiah u Prataprao Jadhav da ka jingthoh ha Lok Sabha mynta ka sngi.
