Shillong, Jylliew 3: Haba ia dei bad ka jingjia ha Krem dewiong ha Jaintia Hills u Myntri Rangbah ka jylla u Conrad K Sangma u la ong ba ka sorkar kam shah ia ki kam beain, kata ka long shai bha.
Ha ka juh ka por u Myntri Rangbah ka jylla u la ong ba kila don shibun ki ain ban iada na ki kam beain hynrei dang bun ki briew ki leh ia ki kam ba long beain, la ong ba don ki ain ban iada ia ki briew ban nym pyniap, hynrei ki don kiba dang pyniap briew bad ka ain don kumno ban pynshitom ia kiba leh beain.
U Myntri Rangbah u la kren shai ba ka ain kan sa leh ia kaba don kam ia kito kiba leh ia ki kam beain.
Na ka liang jong ka sorkar kala shim ia baroh ki lat ki lynti ban khanglat ia ki kam beain hynrei ki dang don kiba leh beain, kumba la kdew ha khmat.
Na ka liang jong ka sorkar kala kren shai ba ka ain kan sa leh ia kaba don kam ia baroh kito kiba pynkhein ia ka ain.
Kat kum ki kaiphot kiba la ioh ka long ba katei ka ja ka tih dewiong ka dei ks krem dewiong kaba khlem pyntrei ksm shuh, na ki dak ki shin ki paw ba ki kwah ban sdang trei biang.
Kam don kano kano ka jingshai balei ki leit sha katei ka jaka, hynrei la shim ba kito ba leit ki mut ban sdang biang ia ka kam tih dewiong hynrei kata ruh kam pat shai.
Haba ia dei bad ka jingwat ia kito ki briew bala suba ba kila sahkut ha katei ka krem ka sorkar kan ialeh ban ioh pynlait ia ki briew ia kaba la bthah ia ki NDRF ba kin leh ia kane ka kam bad la bthah ia u Myntri kam poh iing ba un peit ia kane. Ka sorkar kan leh bad shim ia baroh ki lat ki lynti ban iada ia ka jingim briew.
Halor ka jingdawa ban tohkit ia ka kam tih dewiong da ka liang pyrshah ka sorkar kan sa peit ia kaba don kam.
