Shillong, Nailur 15: U Myntri Rangbah ka jylla u Conrad K Sangma haba jubab ia ka mat ia kren bala wan rah da u bah George B Lyngdoh halor ka phang ba la jan shisnem naduh bala ai ejahar pyrshah ia u Vicky Dey hapoh ka rule 54 u myntri rangbah ka jylla u la ong ba ka sorkar Meghalaya kala thoh sha kiwei ki jylla banthwet ia u tei u briew.
Ki pulit jong ka Lumdiengjri Police Station kila register ia ka ejahar ha ka 2/ Nailur /2020 bad ia kane la phah sha Shella Police station bad ia kane ka juh la register ia ka ejahar pyrshah ia u tei u briew.
Ka sorkar kala phah da ka jingthoh sha u Superintendent ki pulit jong ki ar tylli ki District ha Goa , ka North bad ka South ba kin thwet ia u tei u briew bad ha dien kila thwet la pyntip ba u tei u briew um don ha Goa.
Ka sorkar kala thoh sha ki pulit jong ka Kolkatta bad sha kiwei ki sorkar jylla ruh ban thwet ia u Dey hynrei haduh mynta kam pat don kano kano ka jingpyntip na kiwei ki jylla bad ka sorkar ka khlem shong thait ban thwet ia u tei u briew.
Na ka liang jong u myntri rangbah u la ong ba ka jingkynnoh jong u nongmih khmat ka ktah ia kin don ka jingartatien ia ka jingtrei kam jong ki pulit namar dei ma kiba peit miet peit iong na ka bynta ka suk ka sain, haba ki pulit ki trei shitom 99% ym don ba sngewsnguh lada ki bakla 1% pat ki shah kynhtoh.
Halor katei ka jingjubab u myntri rangbah, u bah George u la pynshai ba kam dei ba u kren ma u ba du myntri rangbah ka jylla u khlem sngap bha ia kaei kaba u kren, dei ki paidbaj kiba kren u pynsngew ia ka sur jong ki paidbah hapoh ka iing dorbar ha ka juh ka por la ong ba lada mih kano kano ka jingjia na ka jingkren u Vicky Dey mano ban kit kitkhlieh.
U Halor kane ka mat ia kren kaba la wanrah da u bah George B Lyngdoh u myntri rangbah ka jylla u la ai ka jingkular hapoh ka iing dorbar ba ka sorkar kan pynhtikna ba kan pynpoi sha ka thong kaba ka thmu.
