Shillong, Nohprah 30: U bah Hamletson Dohling myntri ba dei peit ia ka tnad pynroi nongkyndong la ong ba ki jingeh kiba ka jaidbynriew ka dawa kim long shuh kum juh shikumjuh, kawei na kita ka long ka jingdawa ia ka Inner Line Permit kaba la slem bah bad bun sien ki jingiakhih la bun sa tang ki jingshah kem ki samla kam shym poi shano shano ruh ha kito ki por.
U bah Dohling la ong ba u pynpaw ia ka jingsngewnguh ia ki paibah ka Mylliem Konstiweinsi kaba la pynlong ia u ban ioh lat ban ia kren hapoh jong ka kabinet, la ioh ban ia kren bad ki seng bhalang bapher bapher ha lor ka ILP ha Delhi bad kaba sngewkmen ka long ba ka iing dorbar thawan jong ka jylla Meghalaya kala pdiang ia ka rai ban pyntrei kam ia ka ILP ha ka jylla.
Ki seng bhalang ki paidbah ki kwah ban pyntrei kam ia ka ILP ha kane ka jylla, hynrei kaba sngewsih ka long ba ka sorkar pdeng ka sngap jar jar ia kane ka bynta, na ka liang jong u mytnri u la ong ba imat la don kam ban mih sha madan ban pynsngew sha ka sorkar pdeng halor ka jingdawa ILP.
Kam lah ban long ba ka sorkar India kan shu sngap sah lane ban mynthi, na ka liang jong u myntri u la ong ba ha ka jingshisha kaba kren ka dei ban jubab kein la ka ai ne kam ai, la ka long ne kam long ka dei ban jubab, hynrei hadu mynta mynne la kam pdiang ne kam pdiang ia ka ILP ym tip.
Haba phai sha khappud ha kine ki snem baroh shikatta kam shym don kata ka jingiakren ban pynbeit, hynrei dei tang kane ka sorkar kaba mynta kaba la shim khia ban ban ia pynbeit kita ki 12 tylli ki jaka kiba don ka jingiakam mar kylliang bad ka jylla Assam bad mynta ki pyrshang ban ia pynbeit shuwa ha ki 6 tylli ki jaka bad kyrmen ba kin lah ban pynbeit hapoh ka jingialam jong u Conrad K Sangma.
Haba phai sha ka Them Motor la ong ba ha u snem 1996 ka jingiakhih kaba jur hynrei kam shym don kano kano ka jingleh ei ei na ka sorkar, hynrei ha din jong ka jingiakhih ka sorkar kala thaw ia ka HLC bad kane ka sorkar kala shim ia ka rai ban pynbeit ia kane ka jingeh.
Ki paidbah kila sdang ban artatin namar kala slem hynrei dei ban sngewthuh ba ka sorkar kam shym shong klikti ha kaba ia dei bad kane kam them motor bad ka sorkar kala thaw ia ka komiiittee ban ia kren bha ia kane bad la ai kaiphot sha ka sorkar bad la pdiang da ka cabinet bad la kyntu ia ki paidbah ban iai shah shipor, la kyntu ia ki paidbah ban ia treilang bad ka sorkar.
U Myntri u la pynpaw ia ka jingsngewnguh ia ka KSU, namar dei lyngba jong ka bala tei ia u mot jong u Kiang Nangbah, ia u mot jong u Tirot Sing Syiem,u Soso Tham bad u mot jong u bah Bull N Lyngdoh ha kaba ki la lah ban pynlong ia ka jingkynmaw bunrom ha kine ki jaka kumba long mynta, la ong ba ka met kam don ha ka KSU hynrei ka mynsiem ka don bad ka KSU.
Haba kynaw burom ia kane ka sngi kaba dei ka lyngkhuh sngi iap jong u Kiang Nognbah ai ba ka mynsiem len lade kam rung ha ki dkhot jong ka jaidbyrniew kumba la leh da u Kiang nagbah.
