New Delhi, Nohprah 06: U Myntri Rangbah Duh, Narendra Modi u la plié paidbahia ka AshtalakshmiMahotsav ha ka Bharat Mandapam ha New Delhi mynta ka sngi. Ha ka jingpdiang ia baroh ki kynrem ki lyndan ha kane ka jaka, u Modi u la ong ba ka dei ka Mahaparinirvana Divas jong u Babasaheb Dr B R Ambedkar.
U la ong ba ka RitiSynshar kaba la thoh da u BabasahebAmbedkar, kaba la dap 75 snem, ka dei kaba ai mynsiemia baroh ki briew jong ka ri. U Modi u la ai jingsngewnguhia u BabasahebAmbedkar na ka liang jong baroh ki briew jong ka ri India.
U Modi u la ong ba ka Bharat Mandapam ka la sakhiia ki prokram bapher bapher jong ka ri bad ki prokram ba la wan iashim bynta ki briew na kiwei kiwei ki ri ha kine ki ar snem ba kynthup ia ka jingpynlong ia ka jingialang G20.
U Modi u la ong ba ka prokram mynta ka sngi ka dei kaba kham kyrpang. U la ong ba kane ka prokram ka la pyniphuhiphiengia baroh kawei ka Delhi da ki dak jong ka thain shateilammihngi. Da kaba kdew ba kane ka tamasakan long ha kine ki lai sngi, u Modi u la ong ba kane ka prokram kan pyni ia ki lad kiba don ha ka thain shateilammihngi ia ka ri bad ka pyrthei.
U la ong ba kane ka prokram kansakhi ia ki jingiakut ha ki kam khaii pateng bad kan pyni ruh ia ki mar na ka thain shateilammihngi ha ryngkat ka deiriti, ki jingbam bad kiwei kiwei ki bynta ba itynnad. U la ong ruh ba kane ka prokram kan ai mynsiem ia ki briew na ki jingjop jong ki briew ba kynthup ia kito kiba la jop khusnam Padma ki ba iadon lang ha kane ka jaka.
U Modi u la ong ba kane ka dei ka prokram kaba kyrpang bad kaba nyngkong da kaba bynrap ba kane ka prokram kan plié ia ki lad ban bei tyngka shibun ha ka thain shateilammihngi. U la ong ruh ba kane ka dei ka lad kaba biang bha ia ki nongrep, ki nongtrei bad ki nongsaindur ha ryngkat ki nongbei tyngka na kylleng ka pyrthei.
Da kaba ong ba ka exhibition ha kane ka jaka ka pyni ia ka jingiar bad ki lad kiba don ha ka thain shateilammihngi, u Modi u la kitbokkitrwiang ia ki nongpyniaid ia ka AshtalakshmiMahotsav, ki briew na ka thain shateilammihngi bad ki nongbei tyngka.
U Myntri Rangbah Duh u la ong ba ha kine ki 100 haduh 200 snem ba la dep, baroh ki la sakhi ia ka jingkiew ka thain sepngi jong ka pyrthei bad ba kane ka thain ka la don ka bor ha ka pyrthei ha baroh ki kam – ka ioh ka kot, ka imlang sahlang, ka kam sain pyrthei.
U la ong ba ka India ruh ka la mad ia kane ka bor jong ka thain sepngi. U la ong ba hadien kane ka juk jong ka bor jong ka thain sepngi, ki spah snem ba 21 ki dei jong ka thain mihngi kaba mut ka Asia bad ka India.
U Modi u la ong ba u ngeit skhem ba ha kine ki por ban wan, ka roi ka par jong ka India ka dei ka ban wan na ka thain mihngi bad khamtam ka thain shateilammihngi. U la ong ba ha kine ki phew snem ba la dep, ka India ka la sahiia ka jingmih ki nongbah ba heh kum ka Mumbai, Ahmedabad, Delhi, Chennai, Bengaluru, Hyderabad.
U Modi u la ong ba ha kine ki phew snem ban wan ka India kan sa iahi ia ki lad ba thymmai na ki nongbah kum ka Guwahati, Agartala, Imphal, Itanagar, Gangtok, Kohima, Shillong bad Aizawl bad ki prokram kum ka Ashtalakshmi kin don ka bynta kaba heh ha kane.
Ha kaba iadei bad ka tynrai jong ka India, u Myntri Rangbah Duh u la ong ba ka Blei Lakshmi ka dei ka Blei jong ka jingkmen, ka koit ka khiah bad ka jingriewspah. Da kaba kdew sha ki phra bynta jong ka Blei Lakshmi, u la ong ba la mane ia baroh phra bynta jong ka haba mane ia ka Blei Lakshmi.
Ha kajuh ka rukom, u Modi u la ong ba ka Ashtalakshmi jong ki phra tylli ki jylla ki don ha ka t5hain shateilammihngi kiba long ka Assam, Arunachal Pradesh, Manipur, Meghalaya, Mizoram, Nagaland, Tripura bad Sikkim. U la ong ba ki phra bynta ka Asthalakshmi ki don ha kine ki phra tylli ki jylla jong ka thain shateilammihngi.
Da kaba ong ba ka bynta kaba nyngkong ka dei ka Adi Lakshmi, u Modi u la ong ba ka deiritiAdi ka khlainbha ha man ka jylla jong ka thain shateilammihngi.
Da kaba ong ba man ka jylla jong ka thain shateilammihngi ka rakhe ia la ka jong ka deiriti, u Myntri Rangbah Duh u la kdew ia ka Cherry Blossom Festival jong ka Meghalaya, Hornbill Festival jong ka Nagaland, Orange Festival jong ka Arunachal, Chapchar Kut Festival jong ka Mizoram, Bihu jong ka Assam, ka jingshad Manipuri bad u la ong ba ka deiriti ka long kaba iar ha ka thain shateilammihngi.
Ha kaba iadei ba ka bynta kaba ar jong ka Blei Lakshmi – Dhan Lakshmi, u Myntri Rangbah Duh u la ong ba la kyrkhu ia ka thain shateilammihngi lyngba ka jingbun ki jingdon jingem ba ai ka mariang ha kaba bun ki mar poh khyndew, ka umphniang, ki kperslasha bad ka jingriewspah na ka mariang.
U la ong ba la lad ka long kaba heh ha ka bording kaba pynmih na ki tyllong ba lah ban pynthymmai bad ba ka jingkynkhu jong ka “Dhan Lakshmi” ka dei ka spah bah jong baroh kawei ka thain shateilammihngi.
Ha kaba iadei bad ka bynta kaba lai jong ka Blei Lakshmi – u Modi u la ong ba ka Dhanya Lakshmi ka la iarap bha ia ka thain shateilammihngi bad u la ong ba kane ka thain ka pawnam na ka bynta ka rukom rep tynrai, ka rep organic bad ki millets.
U la ong ba ka India ka sngew sarong shaphang ka Sikkim kaba dei ka jylla kaba rep organic pura.U Modi u la ong ba u khaw, ki siej, ki muslimusla bad ki dawai kynbat kiba mih ha ka thain shateilammihngi ki dei ka dak jong ka bor jong ka kam rep ha kane ka thain.
U la ong ruh ba ka thain shateilammihngi ka don ka bynta kaba heh ha ki jingpynbeit ba ka India ka kwah ban ai ia ka pyrthei kiba iadei bad ka rukom im kaba koit ba khiah bad ka jingioh ia ka bam kaba tei.
Ha kaba iadei bad ka bynta kaba saw jong ka Asthalakshmi – Gaja Lakshmi, u Modi u la ong ba ka BleiGaja Lakshmi ka shong ha u tiew lotus bad la kerpyllunia ka da ki hati.
U la ong ba ka thain shateilammihngi ka dei kaba dang rben ki khlaw, ka don ki jaka kum ka Kaziranga, Manas-Mehao bad kiwei kiwei ki jaka kyrpang na ka bynta ki mrad. Y la ong ruh ba ki don ki krem bad ki jaka shongum kiba itynnadbha.
U Modi u la ong ba ki jingkyrkhu jong ka Gajalakshmi ki don ka bor ban pynkylla ia ka thain shateilammihngi sha ka jaka jngohkai kaba biang tam ha ka pyrthei.
U Myntri Rangbah Duh u la ong ba ka thain shateilammihngi ka pawnam namar ka jingsaindur bad ka jingtbit kaba long ka dak jong ka bynta kaba san jong ka Asthalakshmi – Santan Lakshmi, kaba mut ka jingseisoh bad ka jingsaindur.
U la kdew sha ka jingtbit ban pynmih ia ki jain kum ka Muga Silk jong kaAssam, Moirang Phi jong ka Manipur, Wankhei Phi, Chakheshang Shawl jong ka Nagaland kiba baroh ki itynnad. U la ong ruh ba ki donm shibun ki mar kiba la ioh ia ka jingithuh GI tagging kiba long ka dak jong ka jingshna tiar bad ka jingsaindur ha ka thain shateilammihngi.
Ha kaba iadei bad ka bynta kaba hynriew jong ka Lakshmi – Veer Lakshmi kaba dei ka dak jong ka jingiasoh ka jingshlur bad ka bor, u Modi u la ong ba ka thain shateilammihngi ka dei ka dak jong ka bor ki longkmie. U la ai nuksa da ka kam NupiLan jong ka Manipur kaba pyni ia ka bor jong ki longkmie.
U Modi u la ong ba ka rukom kren pyrshah ka thain shateilammihngiia ka jingdon mraw ka dei ka ban don jingkynmawbeit ha ka histori jong ka India. U la ong ba ki longkmie kiba shlur ha ki khanatand bad ruh ki nongiakhih na ka bynta ka jinglaitluid ka ri kum ka Gaidinliu, KanakalataBarua, Rani Indira Devi, LalnuRopiliani ki la ai mynsiem ia baroh kawei ka ri.
U Modi u la ong ba wat mynta ruh, ki khun kynthei na ka thain shateilammihngi ki pynkhlain ia kane. U la ong ba ka jingseng kam lajong da ki longkmie na ka thain shateilammihngi ka la aibor ia baroh kawei ka thain bad ba ym pat juiohi ia kum kane.
Ha kaba iadei bad ka Lakshmi ba hynniew jong ka Ashtalakshmi – Jai Lakshmi u la ong ba kane ka mut kata kaba ai ia ka jingpawnam bad ka jingkhraw. U Myntri Rangbah Duh u la ong ba mynta ka thain shateilammihngi ka don ka bynta kaba heh ha ki jingangnud jong baroh kawei ka pyrthei na ka bynta ka India.
U la ong ba katba ka India ka dang peit ia ka jingpyniasoh bad ka pyrthei ha kaba iadei bad ka deiriti bad ka khaii pateng jong ka, ka thain shateilammihngi ka dei kaba pyniasoh ia ka India bad ki lad kiba bun ha ka thain South Asia bad East Asia.
Ha kaba iadei bad ka Lakshmi kaba phra jong ka Ashtalakshmi – Vidya Lakshmi, u la ong ba kane ka dei ka dak jong ka jingnang jingstad bad ka pule puthi. U Modi u la ong ba ki bun ki jaka Pdeng jong ka pule puthi ha ka jingtei ia ka India kaba myta kiba don ha ka thain shateilammihngi kum ka IIT Guwahati, NIT Silchar, NIT Meghalaya, NIT Agartala, bad IIM Shillong. U la ong ba ka thain shateilammihngi ka la ioh ia ka AIIMS ba nyngkong jong ka bad ba ka National Sports University kaba nyngkong jong ka ri ka dei kaba dang shna ha Manipur.
U la ong ba ka thain shateilammihngi ka la ai sha ka ri shibun ki nongialehkai kiba tbit kum ka Mary Kom, BaichungBhutia, MirabaiChanu, Lovelina, Sarita Devi. U Modi u la ong ba mynta, ka thain shateilammihngi ka la sdang ban khih sha ki startuplkiba iadei bad ka teknoloji, ki service centre bad ki karkhana kum ki semiconductor ha kaba da ki hajar ngut ki samla ki trei ha kine ki kam. U la ong ba kane ka thain ka dang kylla sha ka jaka Pdeng jong ka pule puthi bad ka sap na ka bynta ki samla.
“Ka AshtalakshmiMahotsav ka dei ka jingrakhe jong ka lawei kaba kham bha jong ka thain shateilammihngi,” la ong u Myntri Rangbah Duh. U la ong ba ka dei ka jingrakhe ia ka juk kaba thymmai jong ka roi ka par ka ban iarap ia ka jingthmuViksit Bharat.
U Modi u la ong ba mynta ka don ka jingshitrhem ban bei tyngka ha ka thain shateilammihngi bad ha kine ki shiphew snem ba la dep, baroh ki la sakhiia ka jingiaid lynti ka thain shateilammihngi sha ka roi ka par. Da kaba ong ba kane ka jingiaid lynti kam dei kaba suk, u Modi u la ong ba ka Sorkar Pdeng ka la leh katba lah ban pyniasoh ia ki jylla ka thain shateilammihngi bad ka roi ka par jong ka India.
U la ong ba ka roi ka par jong ka thain ka long kaba suki hapoh ki Sorkar ba rim namar ka jingduna ki seat bad ki vote da kaba bynrap ba ka dei ka Sorkar u AtalBihari Vajpayee kaba la sdang ia ka tnad Sorkar ba kyrpang na ka bynta ka roi ka par jong ka thain shateilammihngi.
Ha ka jingban jur ba ha ki shiphew snem ba la leit, ka Sorkar India ka la trei borbah ban pynduna ka jingjngai hapdeng ka Delhi bad ki briew jong ka thain shateilammihngi, u Modi u la ong ba ki Myntri sorkarpdeng ki la wan jngoh ia ki jylla ka thain shateilammihngi palat 700 sien bad ki la pynlut por kham bun bad ki briew jong ka thain kaba la wanrah ka jingsngewjan hapdeng ka sorkar bad ka thain shateilammihngi bad ka roi ka par jong ka.
U la ong kane ka la pynstedia ka roi ka par ha ka thain. Haba kren shaphang ka polisi ha ki snem 1990 ban pynsted ia ka roi ka par ha ka thain shateilammihngi, ha kaba palat 50 tylli ki tnad sorkarpdeng ki la hap ban bei tyngka 10 percent na ka mang tyngka jong ki ha ka thain shateilammmihngi, u Modi u la ong ba ka sorkar jong u ka la ai kham bun ki grant ha ki 10 snem ba la leit haba ianujor naduh ki snem 1990.
U la bynrap ba tang ha ki shiphew snem ba la leit, la pynlut palat T. 5 lak klur ha ka thain shateilammihngi hapoh ka skhim ba la kdew haneng kaba pyni ia ka jingphaikhmat kyrpang kane ka sorkar ba mynta sha ka thain shateilammihngi.
U Myntri Rangbah duh u la ong ba ka sorkar ka la sdang bun ki skhim ba kyrpang na ka bynta ka thain shateilammihngi kum ka PM-DevINE, Special Infrastructure Development Scheme bad ka North East Venture Fund. U la bynrap ba kine ki skhim ki la plie shibun ki lad ioh kam.
U Modi u la ong ba ka sorkar ka la sdang ruh ia ka skhim Unnati ban kyntiew ia ki kam karkhana ha ka thain shateilammihngi. U la ong haba ka don ka lad kaba bit ba biang ia ki karkhana ba thymmai, ki plie ruh ia ki lad ioh ba thymmai.
Haba kren shaphang ka kam semiconductor kadei kaba thymmai ia ka India, u Modi u la ong ba ka Sorkar ka la jied ia ka Assam ban pyniaid shaphrang ia kane ka kam ba thymmai. U la bynrap haba kum kine ki karkhana ba thymmai la plie ha ka thain shateilammihngi, ki nongbei tyngka na ka ri bad kylleng ka pyrthei ki phaikhmat sha ki kabu ba thymmai ba don hangta.
“Ngi dang pyniasoh ia ka thain shateilammihngi bad ka jingsngew, ka ioh ka kot bad ka jingiadei bad ka mariang”, la ong u Modi. U la bynrap ba ka sorkar ym tangba ka tei ia ki jingdon jingem ha ka thain shateilammihngi, hynrei ka buh ruh ia ka nongrim kaba khlain na ka bynta ka lawei.
Ha ka jingkren shaphang ka jingeh kaba khraw ia ka thain shateilammihngikadei ka lad ka leit ka wan ha ki phew snem ba la leit na ka jing duna ki lad ka leit ka wan lyngba ki rel sha kiba bun ki jylla, u Modi u la ong ba ka sorkar jong ki ka phaikhmat shibun sha ki jingdon jingem ha ka imlang sahlang hadien u snem 2014.
U la bynrap ba kane ka la ialam sha ka jingkiew kaba khraw ha ki jingdon jingem bad ka jingim jong ki briew ha ka thain shateilammihngi. U Modi u la ong ba ka sorkar ka la pynsted ruh ka jingpyntreikam ia ki projek ba la sahteng da ki snem.
U la kdew katto katne ki nuksa kum ka jingkiengBogi-Beel. U Modi u la ong ba mynta ka jingiaid lynti hapdeng ka Dhemaji bad Dibrugarh kalong tang shi lane ar kynta, haba ianujor bad ka jingiaid lynti kaba baroh shi sngi hashuwa ban pyndep ia ka jingkiengBogi-Beel kaba la sahteng la slem bah
“Kumba 5 hajar kilometre ki projek surok bah la lah ban pyndep ha ki shiphew snem ba la leit,” la ong u Modi. U la bynrap ba ki projek kum ka Sela tunnel ha Arunachal Pradesh, ka India-Myanmar-Thailand trilateral highway, ki surok thain khappud ha Nagaland, Manipur bad Mizoram ki la pynkhlain ia ki lad ka leit ka wan.
Haba kynmaw ba ka India ka la pyni ia ka jingangnud ia ka India-Middle East-Europe Corridor (I-MAC) sha ka pyrthei ha ka G-20 ha u snem ba ladep, u Modi u la ong ba ka IMAC kan pyniasoh ia ka thain shateilammihngi jong ka India bad ka pyrthei.
Haba kren shaphang ka jingpyniasoh lynti rel ha ka thain shateilammihngi kaba la kiew shibun shah, u Myntri Rangbah duh u la ong ba ka kam ban pyniasoh ia baroh ki nongbah jong ki jylla ka thain shateilammihngi da ka lynti rel ka la jan dep.
U la bynrap ba ka relVande Bharat kaba nyngkong ka la sdang ka jingtreikam jong ka ha ka thain shateilammihngi. U Modi u la ong ba ha ki shiphew snem ba la leit, ka jingdon ki kad liengsuin bad ki liengsuin ha ka thain shateilammihngi ka la long arshah.
U la bynrap ba ka kam ka dang iaidshakhmat ban shna ia ki lad ka leit ka wan lyngba ki wah Brahmaputra bad Barak bad la kyntiew ruh ia ki lad ka leit ka wan na kad lieng Sabroom.
Ha ka jingkren shaphang ka jingiaid shaphrang ka jingpyniasoh mobile bad gas pipeline, u Modi u la ong ba man ka jylla jong ka thain shateilammihngi la pyniasoh bad ka North East Gas Grid bad ladep buh gas pipeline palat 1600 km ka jingjrong.
U la bynrap ruh ba ka Sorkar ka la phaikhmat ban pyniasoh internet bad palat 2600 tylli ki mobile tower ba la buh ha ki jylla jong ka thain shateilammihngi. U la ong shuh shuh ba palat 13 hajar kilometre u optical fiberladep buh ha ka jylla ka thain shateilammihngi.U Modi u la sngewkmen ba ka jingpyniasoh 5G ka la poi sha baroh ki jylla ka thain shateilammihngi.
Haba kren shaphang ka kam ba la leh ha kaba iadei bad ki jingdon jingem ha ka imlang sahlang ha ka thain shateilammihngi, u Myntri Rangbah duh u la ong ba la pynhehia ki Medical College nalor ka jingshna ia ki jingdonkam katkum ka juk mynta ban sumar ia ki jingpang kum ka cancer.
U la bynrap ba hapoh ka Ayushman Bharat Yojana, da ki lak ngut ki nongpang ha ka thain shateilammihngi ki la ioh jingsumar ei. U Modi u la ban jur ba ka sorkar ka la pyntreikam ia ka AyushmanVayaVandana Card, kaba pynthikna ka jingioh jingsumar ei ia ki nongshong shnong kiba la don 70 snem shaneng.
U Modi u la ong ba nalor ki lad jingpyniasoh ha ka thain shateilammihngi, ka sorkar ka la ban jur halor ka dustur tynrai jong ka, ki kam ba iadei bad ki jain bad ki kam jngohkai. U la bynrap ba ka jingmyntoi jong kane kalong ba ki briew mynta ki bun ba mih shakhmat ban wan jngohia ka thain shateilammihngi.
U la bynrap ba ka jingdon ki briew kiba leitjngohia ka thain shateilammihngi ka la kiew jan arshah ha ki shiphew snem ba la leit. U Modi u la ong ba ka la don ka jingkiew ha ki kam khaii pateng ba thymmai bad ki lad ioh kam namar ka jingkiew ka jingbei tyngka bad ka kam jngohkai.
U Myntri Rangbah duh u la ban jur ba ki samla jong ki jylla Ashtalakshmikilong kiba kyrpang ia ka Sorkar India bad ki kwah ia ka roi ka par. Haba ban jur ba ka don ka jingkyrshan jong ki briew na ka bynta ka shongsukshongsain kaba pura ba la iohi ha man ka jylla jong ka thain shateilammihngi ha ki shiphew snem ba la leit, u Modi u la ong dei namar ki sienjam jong ka sorkarpdeng bad ki sorkar jylla, da ki hajar ngut ki samla ki la iehnoh ia ka lynti jong ka jingiaumsnam bad pdiang ia ka lynti ba thymmai jong ka roi ka par.
U la bynrap ba ha ki shiphew snem ba la leit, la iasoi bun ki soskulariasuk ha ka thain shateilammihngi bad la pynbeit ia ki jingiakajiapud hapdeng ki jylla ha ka rukom kaba dei. U la ong, kane ka la pynduna shibun ia ki jingjiaiaumsnam ha ka thain shateilammihngi. U la bynrap ruh ba la weng ia ka AFSPA na bun ki district. U Modi u la ong ba baroh, ngi lah ban thoh ia ka lawei ba thymmai na ka bynta ka Ashtalakshmibad ka sorkar ka shim man ka sienjam na ka bynta kane.
U Myntri Rangbah duh u angnud ba ki mar na ka thain shateilammihngi ki dei ban poi sha man ki iew jong ka pyrthei bad ha kaba iadei bad kane la kyntiew ia ki mar na man ki district hapoh ka campaign One District One Product.
U la bynrap ba ki briew ki lah ban iohi shibun ki mar na ka thain shateilammihngi ha ki exhibition ha ka iew nongkyndong ha ka AshthaLakshmiMahotsav. “Nga pynshlur ia ka mantra jong ka Vocal For Local na ka bynta ki mar na ka thain shateilammihngi,” la ong u Modi.
U la ong ba u pyrshang ban pyni ia ki mar na ka thain shateilammihngi sha ki briew nabar ri bad kane kan ai jingithuh ia ka kam saindur bad kam shna tiar ba itynnad jong ka thain shateilammihngi ha ki rynsan shabar ri. U Modi u la kyntu ia ki briew jong ka ri ban kynthup ia ki mar na ka thain shateilammihngi kum shi bynta ka rukom im jong ki.
U Modi u la khot sngewbha ia ki briew ban iashim bynta ha ka MadhavpurMelaban long ha Porbandar, Gujarat. U la bynrap ba ka MadhavpurMelakalong ka dak jong ka jingrakhe ia ka jingkyntiew kurim u Blei Krishna bad ka BleiRukmini, ka khun kynthei jong ka thain shateilammihngi.
U la kyntu ia baroh ki briew ha ka thain shateilammihngi ban iasohlang bad ka Mela ha u 2025. Haba pynkutia ka jingkren jong u, u Modi u la pynpaw ka jingngeit skhem ba lyngba ki jingkyrkhu jong u BleiKrishna bad kaAshtalakshmi, ka India kan sa sakhi ia ka juk jong ka roi ka por ha ka thain shateilammihngi ha kane ka spah snem ba 21.
U Myntri Sorkar pdeng ba dei khmih ia ka Tnad Development of North Eastern Region, Jyotiraditya M. Scindia, u Myntri Rangbah ka jylla Assam, HimantaBiswaSarma, u Myntri rangbah ka jylla Tripura, Dr.ManikSaha, u Myntri Rangbah ka jylla Meghalaya, Conrad Sangma, u Myntri Rangbah ka jylla Sikkim, Prem Singh Tamangbad u Myntri Khynnah jong ka Sorkar Pdeng ba dei khmih ia ka Tnad Development of North Eastern Region Dr.SukantaMajumdar ki la iadonlang ha kane ka jingialang lem bad kiwei kiwei ki kynrem ki lyndan.
Ka AshtalakshmiMahotsavkadei ka tamasa kaba lai sngi kaba iadei bad ka deiriti, ba la rakhe ha ka sien ba nyngkong naduh ka 6 haduh 8 tarik Nohprah ha Bharat Mandapamha New Delhi.Ka pyni ia ka jingiar ka deiriti jong ka thain shateilammihngi, kaba wanrah lang ia ki rukom saindur, kajingshna ki tiar tynrai bad ka deiriti.
Ban kyntiew ia ki lad ka ioh ka kot ha ki bynta kum ka ka jingshna tiar tynrai, ka jingthainjain, ki mar rep, bad ka kam jngohkai, ka Mahotsav ka don ki prokram bapher bapher. Ka tamasa ka don ruh ki jingpyni ia ki kam jong ki nongsaindur, ki Grameenhaat, ki jingialang teknikal halor ki bynta ba kongsan ba iadei bad ka roi ka par jong ka thain shateilammihngi.
Ki prokram ba kongsan ki kynthup ka jingialang jong ki nongbei tyngka bad ka jingialang jong ki nongthied bad ki nongdie ba la saindur ban long ka kabu kaba kyrpang ban tei bad pynkhlain ia ki rukom treikam, ki jingiatreilang bad ki sienjam ban kyntiew ia ka ioh ka kot jong ka thain.
Ha kane ka Mahotsav ka don ruh ka Design conclave bad ka Fashion show kaba pyni ia ka kam shna jain bad tiar tynrai jong ka thain shateilammihngi ha ka rynsan jong ka ri. Ha ka jingpyniia ka jingriewspah ka pateng deiriti jong ka thain, ka tamasa kan don ruh ia ka put ka tem bad ki jingbam tynrai jong ka thain shateilammihngi.
