New Delhi, Risaw 05: U Vice-President jong ka India, JagdeepDhankhar, u la ong ba ka thain shateilammihngi ka dei ka jaka kaba kongsan jong ka Bharat, bad u la kyntu ia ki lad pathai khubor ban pyni ia ki lad ki lynti ha ka thain ha kaba iadei bad ka kam jngohkai bad ka roi ka par.
U la ban jur ba ka thain shateilammihngi kam dei tang ka jaka hynrei ka don ruh ka spah ha ka deiriti, ki rukom bad ka jingitynnad ka mariang kaba long ka dak jong ka India.
Ha ka jingai jingkren jong u ha ka ‘The Conclave 2024’ ba la pynlong da kaPratidin Media Network ha New Delhi mynta ka sngi, uDhankharu la kren shaphang ka jingwanrahjingkylla lyngba ka “Act East Policy” jong ka Sorkar bad ka jingkongsan jong ki lad pathai khubor ban pyni ia ki jinglong jingman.
“Lada phi shim lang ia ka New Zealand, Switzerland bad Scotland, kim pat iaryngkat ia ka spah kaba don ha ka thain shateilammihngi. Man ka jylla ha ka thain ka long kum ka bnengia ki nongleit, ki nongjngohkai bad ki briew kiba sah ha kine ki jaka,” u la ong.
U Vice President u la ban jur halor ki sienjam ba heh ba la shim ban kyntiew ia ki lad ka leit ka wan, bad u la ong ba kane ka la wanrah jingkylla ha ka thain. “Ka jingdon ki kad liengsuin ka la kiew ar shah, ki lad ka leit ka wan lyngba ki jaka shong um ki la kiewarphew shah bad kane ka la ktik ia ki jingmut jingpyrkhat bad ki jingbei tyngka na kylleng ka ri,” u la bynrap.
UDhankharu la kren ruh shaphang ka jingioh jingithuh dang shen ka ktien Assamese ha ryngkat ka Bengali, Marathi, Pali, badPrakrit, kum kawei na ki san tylli na ki khatwei tylli ki ktien hyndai jong ka India. “Kane ka jingithuh ka wanrah shibun ki jingmyntoi, kaba pyni ia ka jingriewspahha ka deiriti bad ka jingiar jong ka ri jong ngi,” u la ong.
U Vice-President u la kren shaphang ki niam ki jingngeit ha kane ka thain bad u la kren shaphang ka Kamakhya temple bad kaKaziranga National Park. “Haeiphin ioh kum kine ki jingkyrkhu? Kamakhya.Haei phi iohiia ka jaka ba iada ia ki mrad ha kane ka rukom? Kaziranga,” u la ong da kaba ban jur halor ka jingkyntang bad jingkongsan ka mariang ha ka thain shateilammihngi.
UDhankharu la iarohia ka deiriti, ki rukom bam bad ka bor jong ki briew ka thain shateilammihngi. “Ngam lah ban batai ia kaei kaba nga la shem ha kane ka jaka, ka thain shateilammihngi ka dei ka jaka kaba kongsan jong ka Bharat,” u la ong da kaba kdew ruh sha ka jingiashim bynta jong u ha ka ASEAN summit ha Phnom Penh, ha kaba ka jingkongsan jong ka “Act East” policy ka la paw shai.
U Vice-President u la ong ba ka Act East Policy kan ym sahkut hapoh u pud u sam jong ka ri hynrei ka iaid sha palat ka India ha kaba ka wanrah ia ki jingiadei ba kham jan bad ki ri Southeast Asia.
U la ong ba ki lad ka leit ka wan shen kin saplie lad ia ka jingleit na ka thain shateilammihngi sha Cambodia, ha kaba dang pynthymmai ia ka Angkor Wat temple lyngba ki sienjam jong ka Sorkar India. “Kane ka polisi kan sa wanrah ki jingkylla, ki jingiadei ba kham jan ha ka deiriti bad ka ioh ka kot bad kane ka thain,” u la ong.
U Dhankharu la pyniasyriem ruh bad ka Kashmir bad u la ong, “Ka Ksahmir ruh ka dei ka jaka kaba itynnad bha bad dei ban pyni ia kane.” U la ong, “Ha ki snem 1990, haba nga dang long u Myntri Sorkar Pdeng, nga la leit sha Srinagar bad ngam shym la iohiwat 20 ngut ruh ki briew ha ki surok.
Ha une u snem ba la dep, katkum ki jingtip ba don ha ka RajyaSabha, palat 2 klur ngut ki briew ki la leitjngohkaiia ka Jammu and Kashmir. Kane ka pyni ia ka jingiaid lynti ka ri jong ngi ha ka jingkylla.”
U la kren shaphang ka bor jong ka kam jngohkai ban wanrah jingkylla ha ioh ka kot jong ka thain shateilammihngi, “Ka kam jngohkai ka lah ban pynkylla lut ia ka thain shateilammihngi, kaba wanrah ia ka jingkiew ki lad ioh kam bad kaba kyntiew ia ka thain kum ka jaka jngohkai kaba khring ia ki briew na kylleng ka pyrthei.”
U la ban jur halor ka bynta jong ki lad pathai khubor ha ka jingtei ia ka ri bad u la kyntu ia ki lad pathai khubor ba kin long kum ki nongmihkhmat na ka bynta ka thain shateilammihngi, lyngba ka jingai jingtip ia ki kam jngohkai bad ka roi ka par. “Ki lad pathai khubor ki don ka bynta kaba khraw ban ai jingtip ia ki briew.
Ki khubor jong phi ki lah ban long ka atiar kaba donbor na ka bynta ka roi ka par, da kaba pyni ia ki lad ki lynti kiba don ha ki thain bapher bapher,” u la ong. To ngin tei ha kane ka ri ka rukom treikam kaba ialam lynti bad kaba aijingsyllok.
Ngim lah ban pynjuloria ka ri bad ki jaka treikam jong ngi; ngi dei ban sumar ia ki. Ka SynsharPaidbah ka ioh bor haba baroh ki jaka treikam, ba kynthup ruh ia ki lad pathai khubor ki trei bha ia ka kam.”
U Vice-President u la ban jur ruh halor ka jingdonkam ia ka jingai khubor kaba don jingbahkhlieh ha kane ka juk jong ki jingpynthut ba sted lyngba ka teknoloji.
U la ong ba dei ban don ka jingbahkhlieh ha ki jingiadei bad ki paidbah da kaba bynrap, “Ka bynta jong ka Editorial kadei ban ai jingtip ia ki paidbah da kaba pynthikna ba ka jinglaitluid jong ki lad pathai khubor ka dei ban don ruh ka jingbahkhlieh.
U la kren ruh shaphang ka jingshlur jong ki kotkhubor ha ka por Emergency, ha kaba ki la ialeh pyrshah ia ka jingpyrshang ban tehlakam ia ki lad pathai khubor haba ki la iehsuda ia ki jaka editorial.
“Ki lad pathai khubor ki dei ban long u rishot jong ka synsharpaidbah, u la ong da kaba ban biang ba ka jinglaitluid jong ki lad pathai khubor ka dei ban wan bad ka jingbahkhlieh.
U la pynpaw ia ki jingsngewkhia halor ki jingai jingtip bakla bad ki jingpynheh bad ki khubor kiba long pyrshah ia ka ri. U Dhankharu la kyntu ia ki lad pathai khubor ba kin pyndonkam ia ka teknoloji ban ialeh pyrshah ia kine ki jingma.
“Ki jingai jingtip bakla bad ki jingpynheh ki lah ban long kiba shongshit, hynrei ki ktah ia ka ri. Ki lad pathai khubor ki dei ban tehlakam ia kine bad iada ia ka nongrim jong ka synsharpaidbah,” u la ong
Ha kaba iadei bad ka roi ka par jong ka ri, u Vice President u la kren shaphang ki jingeh ha ka ioh ka kot ba ka India ka la iakynduh ha ki snem 1990. “Nga kynmawia ki sngi ha ki snem 1990 kum u dkhot ka Parliament bad u Myntri Sorkar Pdeng.
Ha kato ka por, la pynkit ia ka ksiar jong ngi sha Switzerland ban iada ia ka jinglah shaniah ia ngi ha ka ioh ka kot, bad ki foreign exchange reserve ki long kumba 1 billion US dollar,” u la ong.
U la iaroh ia u Myntri Rangbah Duh, Narendra Modi bad kane ka sorkar na ka bynta ki sienjam jong ki bad u la ong, “Mynta ngi la tam ia ka 700 billion US dollar ha ki foreign exchange reserve, kaba long ka jingjop kaba khraw kaba pyni ia ka jingkiew shaphrang bad ka jingskhem jong ka ri jong ngi.”
Ha ka jingpynkut, u Vice-President u la ong ba u ngeit skhem ha ki lad pathai khubor kum ki nongiatreilang ban tei ia ka Bharat kaba don shibun ki jing thmu bad ki lad, ha kaba man u briew u iaryngkat kyrdan hakhmat ka ain.
“Nga kyntu ia ki lad pathai khubor ba kin peit ia ka jingkiew shaphrang jong ka Bharat ka bym pat juiohi bad wanrah ia ka jinglong jingman jong ka jingsngewthuh kaba pynskhem ia ka synsharpaidbah jong ngi,” u la ong
U Sarbananda Sonowal, Myntri Sorkar Pdeng ba dei khmih ia ka tnad Ports, Shipping and Waterways, uJayantaBaruah, Sadin-Pratidin Group Chairman bad Editor jong kaAsomiya Pratidinandbad kiwei kiwei ki kynrem ki lyndang.
