Shillong, Iaiong 07: Mynta ka sngi ryngkat bad kiwei ki shnat jong ka party BJP ha baroh kawei ka Ri India, ka Meghalaya BJP State Unit ruh kala pynlong ia ka jingrakhe ia ka jingdap 46 snem ka seng mynta ka sngi da kaba ot ia Kake ha ophis treikam jong ka party.
Ha kane ka sngi u President jong ka BJP Meghalaya State Unit u Rikman G Momin bad ki nongkit kam jong ka party kila ot ia u Kake kum ka dak jong ka ki leh burom ia kane ka sngi ba la seng ia ka party BJP 46 snem mynshuwa.
Ha kane ka sngi kila kum ka party kala kynmaw burom ia ki nongseng jong ka party kum u Atal Bihari Vajpayee, u L. K. Advani, Murlimanohar bam kwai ha dwar u blei ba dei lyngba jong ki bala seng ia ka party ban pynlong ia ka Ri India kaba khlain.
Kum ka party kala kiew sha khmar bad ioh ban bat ia u lakam jong ka bor synshar bad ha kane ka por la wan rah shibun ki skhim na ka bynta ka jingmyntoi jong ki paidbah ha kane ka Ri India bad dei ka rukom pyrkhat kaba thymmai kaba la pynioh ia ar ngut ki myntri rangbah duh kiba tbit.
Kita ki myntri rangbah duh kiba tbit ki long u Atal Bihari Vajpayee bam kwai ha dwar u blei bad u Narendra Modi u myntrti rangbah duh jong ka Ri India u ba mynta, kum ka party kala shim ia ka rai ban pynlong ia ki jingtrei kam kiba bun ha kane ka taiew kaba mynta bad kin pynkut ha ka 14/Iaiong/2025 ka sngi u Dr. B.R. Ambedkar u nongsain dur ia ka riti synshar jong ka Ri India.
