Shillong, Nailar 23: Ki pulit jong ka Lumshong Police Station kila ioh ia ka jingtip ba don na ki briew kiba ym lah ban tip kila phone sha wei briew ban dawa pisa bad na ka liang jong ki pulit kila bud dien ia kane bad ha ka 22/8/2023 la ioh ban kems aw ngut ki briew bad ar ngut ki dang dei ki khynnah rit.
Ki pulit jong ka East Jaintia Hills kila iathuh ba ka jingioh jingtip ba briew kiba ym lah ban tip kila dawa pisa na ki briew ryngkat ka jingbyrngem byrsit ka dei ha ka 19th /8/2023. Ha ka 21/8/2023 u ba shah dawa pisa u la pynieng ia ka kali ha Dosti Hotel ha Ladrymbai ha ka por 3.00 baje noh phai sngi.
Katba u ba shah dawa pisa u dang ieng kali kila don 2 ngut ki briew la leit sha katei ka kali da ka jingthmu ban pynmynsaw ia u briew ba don hapoh ka kali u bala shah dawa pisa ha ki briew ki bym tip, ki pulti kiba don ha katei ka jaka kila ioh ban bat ia kine ki ar ngut kiba mut leh ia kam sniew.
Ha ka jingtohkit kiba la shah kem kila phla ba kila poi ha katei ka bam shim ia ka pisa ha ka kyrteng u ba la dawa lyngba ka Facebook bad ha ka 22/8/2023 kila leit ban kem ia u bah Issei Sungoh na iing sah jong u ha Dkhiah East namar ia ka phone dawa pisa la phone da ma u.
Ki pulit kila kem mynshuwa ia u Issei Sungoh halor ka jingdon kti ka jong u ban pynbethei bom ha jaka sah jong ki pulit ha Khliehriat ha u snem 2021 hynrei ia u la pynlait jamin da ka rai jong ka iing bishar.
Ia ka ejahar haba ia dei bad kane ka jingshakem jong kine ki saw ngut la register ia ka ejahar ha Lumshnong Police Station No.44(08) 2023 hapoh ki kyndon 386/120 B jong ka Indian Penal Code bad ka jingtohkit ka dang iaid sha khmat.
Kiba la shah kem ki long u bah Darius Pakem 19 snem na ka shnong Moolaitbri Sumer, u bah Issei Sungoh na ka shnong Dkhiah East, ia ki ar ngut kiwei pat la buhrieh noh ia ka kyrteng jong ki namar ba ki dei ki khynnah kiba dang rit ka rta.
