Shillong, Nohprah 21: U wei u rangbah na ka shnong Tyrso bala tip kyrteng kum u bah Shamping Mango jong ka Ri Bhoi District ba khaii skum kba u la shah shoh ha ki briew kiba ym lah ban tip ha surok bah Fourlane ha Diengpasoh kaba ha ha East Khasi Hills District bad kane ka jingjia kala jia ha ka por 9.30 baje mynmeit bad hapoh ka 10.30 baje mynmiet 20 Tarik Nohprah 2025 bad na ka daw jong ka jingmynsaw u la khlad noh ha ka por 3.00 baje mynstep mynta ka sngi 21 tarik Nohprah 2025.
Haba ia dei bad kane ka jingjia kiba ha iing kila pyntip da ka ktien ha Mawlasania Police Out Post bad na ka liang jong ki pulit kila shimti ia kane ka kam bad rah ia met sha Civil Hospital Nongbah leh ia ka Post Mortem katkum ka ain.
Halor kane ka jingjia ki pulit jong ka Mawlasanai, na Diengpasoh bad na Khapmara kila ia poi sha katei ka jaka ba shah shoh ha surok fourlane ha Diengpasoh ban jurip ia ka jingjia, ha kaba kito kiba ia dang ha ka por ba shahshoh kila iathuh ha ki pulit ia kaei kaba la jia.
Na ka liang jong ka seng Hynniewtrep National Youth Front ha ka jingialang u President ka Ri Bhoi District u bah Hesting Lyngdoh rnykgat ki nongkit kam ka seng na Eastern Zone ha ka jingiadon lang u President bah Apbor Nongrum bad ki nong kit kam ka seng kmie kila ia poi lang sha katei ka ja bala don ka jingiasoh ia dat.
U general secretary ka Ri Bhoi District u bah Alfred Malai la ong ba mynta ka step kila ioh ia ka jingpyntip ba u bah Shamping Mango ba dei na Ri Bhoi District u la khlad noh ha kane ka jingshah shoh kum ka seng ka pynpaw ia ka jingsngewsih kaba khraw namar para mangi tang na ka bynta u skum ban ia shim ia ka jingimbriew.
U Bah Apbor Nongrum President jong ka seng ba dei na ka Eastern Zone la ong ba ki wan ha kane ka jaka ba don ka jingiashoh ia dat ban tip ia ka jingshisha namar u wei na ki paradoh para snam u la khlad ha kane ka jingiashoh ia dat, na ka liang ka seng ka ai khublei ia ki pulit kiba la skhim khia ban tohkit bad ki kyrpad ia ki pulit ban kem ia kiba don kti ha kane ka kam ba kin shim ia ka ain hala ka jong kti.
