Khlad u  samla Sankhmer dkhot ka KSU ba la don bynta  pynioh ia ka ophis ka MBOSE ha Shillong

Shillong, K.Lyngkot 16: Ka jingbym ioh ia ki questions papers ha ki katto katne ki jaka ialeh eksam matric ha Ri Khasi, ka jinglait tuh khah khah ki question papers bad ka jingbym biang ki jingdonkam ki paidbah ha ka MBOSE ka pynbitar puk ia ka KSU ha u snem 2005 kaba u samla don bynta bha ha ka jingialeh haduh ban don ioh ia ka ophis jong ka MBOSE ha Shillong.

Ka KSU ha u snem 2005 ka la pynlong ia ka jingiakhih kaba jur bha ban dawa ia ka tnad ophis MBOSE ha Shillong ban lait na ki kynrum kynram. Ka sorkar ka pyn-eh triang bad phah kem naphang ia ki dkhot ka KSU bad set ia ki ha ki along, hynrei ka KSU ka khlem pyndem wat haba da ki phew ngut ki dkhot ki la shah thep ha iing byndi.

La khot ia ka rally paidbah ban dawa ia ka tnad ophis MBOSE ha Malki, ki pulit ki la kem katto katne ngut ki dkhot ka KSU Mawlai Circle kiba kynthup ruh ia u samla Sankhmer Syiemlieh.  Ki pulit ki la bom la tied jem bad pynsaja har rukom ia u Sankhmer haduh ba un da iapler bad poi hospital.

Hadien ba ka sorkar ka sngewthuh ba kam lah shuh ban ia khun ia ka KSU , ka la wanrah ia ka ophis MBOSE ha Lachaumiere, Shillong. Ki paidbah khamtam ki samla pule ki la kmen. Ki kynrum kynram por eksam SSLC bad HSSLC ki la jah.

Hynrei naduh 2005 u samla Sankhmer u la khrew ka met bad ka por pyrkhat pyrdain jong u ruh ka la tlot. Naduh 2005 u ia khun ban pynbha noh ia met kaba la khrew na ka jingshah bom shah tied dusmon ha ki pulit.

Khah khah hap pynkit hospital beit ia u. Hynrei um sngewsih namar u la hun ba ka jingialeh ka long kaba jop. Hadien ka jingiakhun kaba 17 snem bad ki jingpang bapher bapher, u Blei u la shim noh ia u Sankhmer Syiemlieh.

Bun kim ithuh ia u, bun ki la klet ia u, ia ki jingaiti ki jong u na ka bynta ka dawbah ka Jaidbynriew. Ki samla pule khamtam kiba la pass bad pynkhreh matric kim tip eiei shaphang jong u. Tangba hapdeng kine kiei kiei baroh u leit noh na kane ka pyrthei kum u rangsatar ba khlem pyndem wat tang khyndiat ruh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet