Shillong, Jylliew 19: ka ain “Wild life protection Act, 1972 “ kaba la shna ha kane ka jylla naduh ba dang ioh ia ka jylla Meghalaya kam shym la lah ban trei kam bha na ka daw ba duna ki nongtrei hapoh jong ka Wild life Division, kaba hap hapoh ka jingpeit jong ka tand khlaw.
Kane ka wild life division ka tip bha ia ka jingsait pathar ia ki marad khlaw ha kane ka jylla, khamtam eh ha kaba ia dei bad ka jingpyniap pathar ia ki hati bad ka jingkhaii iaki kynja kniang bishiah hynrei na ka daw ba duna palat kinongtrei ka buh ia ki hapdeng ki jingeh ba khang ia kine ki nongsiat mrad.
Katkum kane ka ain Wild Life Protection Act, 1972 kala kren shai kdar ha ka kyndon kaba kyndai ba kajingpyniap iaki mrad khlaw ka long kaba beain, kane ka ain ka kren ruh ia ka jingkhanglad ban pomthar ia ki jiad dieng kiba kyrpang.
Ha kane ka ain la kren shai kdar ba ia kiba pynkhein ia ka ain kin ngat ha ka jingpynshitom da kaba set patok lai bnai, ka kuna kaba T.25000/- lane baroh ar kine lada ka jingpynkhein ia ka ain kan long ha ka sien kaba nyngkong.
Wat hapdeng ka jingduna jong ki nongtrei na ka liang jong ki briew kiba don ha kane ka tand sorkar ki ialeh ban khanglad ia ki briew da kaba ki ioh ban kem na ka por sha ka por bad pynshtom ia ki katkum ka ain.
