New Delhi, Jymmang 14: Ka Commission, ha ka jingieng skhem ha ka jingkhuid bad ka jingai jingtip, ka la rai ban pynthymmai ia ka jingai jingtip shaphang ki kam ba la shim hapoh ka MCC, katkum ki jingujor ba la ioh na ki seng sain pyrthei, haba la dap ar bnai ka jingpyntreikam.
Kane ka long shi bynta ka sienjam jong ka Commission ban don ka jingshai ha ka jingai ki jingtip shaphang ka MCC hadien u bnai ba nyngkonghadien ba la pyntreikam ia ka. La ai jingtip shaphang ki sienjam ba la shim khnang ban pynshaiia ki jingartatien.
Ka Commission ka la rai ban ai kane ka jingtip ia ki paidbah khnang ba kito kiba don bynta ha ka kam, ki nongjiednongmihkhmat bad ki seng sain pyrthei ki ioh jingtip mardor shaphang ki sienjam ba la shim ban bat ia ka jinglong ryntih ka jingiakhun ia kaba ka India ka sngew sarong bha.
Ka Commission, ba la ialam da u CEC Rajiv Kumar ha ryngkat ki EC, Gyanesh Kumar bad Sukhbir Singh Sandhu ka peit man ka sngi ia ki jingujor ba dang sah ha kylleng ka ri kiba iadei bad ki jingkynnoh ba don ki jingpynkhein ia ka MCC bad la shim ia ki sienjam ha ka por kaba biang bad da kaba pynstet katba lah ia kine.
Bun na kine ki sienjam ha kine ki ar bnai ba la dep ki iarap bha ban wanrah jingkhuid ha ka kam ban khring ia ki nongjiednongmihkhmat bad kine ki jingmyntoi ki dei kiba neh bha.
Ha kaba sdang, ka Commission ka khmih lynti ba ki nongialam jong ki seng sain pyrthei, khamtam ki nongialam jong ki seng sain pyrthei ba treikam ha baroh kawei ka ri, kiba long ki khlur ha ki kam khring nong jied nongmih khma, ba kin ialam ha ka lynti kaba dei haba ki ai jingkren.
Ka dei ka kamram jong ki ban pynthikna ba ki jingkren jong ki ha kine ki ar bynta ba dang sah kim ktah ia ka shongsuk shongsain ha ka imlang sahlang bad ha ka ri. Ia ka MCC la pyntrei kam naduh ka 16/Lber /2024 bad kan dang trei kam mynta haduh da dep ban niew vote 4/Jylliew/ 2024.
