Nongstoin, Risaw, 06: Ka bor ba dei peit jong ka District, West Khasi Hills, kala shimkhia halor ka jing khlad jong u khynnah ba la don lai snem ba na ka shnong Domkyrkoh katba dang rah ia u ban ioh jingsumar na hospital.
Ka bor ba dei peit kala shim iaka lad ka lynti ban tip iaka daw ba jia katei ka jingkhlad jong une u khynnah bad kumno ban ioh ka lad ban poi sha ka jaka ai jingsumar, ban pynbiang kali bad ka jingshem jingeh ki nongleit nongwan bad ki paidbah kiba ïaid na katei ka surok kiba na katei ka shnong.
Ban pynshong nongrim iaka jingbud ryntih kaba pura jong ki jingjia bad ban bishar bniah iaki jingshisha, ki kaiphod na ki heh sorkar kila dep iakren ia u Block Development Officer ka Rambrai Block; District Medical bad Health Officer (DMHO), West Khasi Hills; bad u Executive Engineer, PWD (Roads). Katba dang ap iaki kaiphod bad bniah na ki ophis ba dei peit.
Katkum ka jingioh jingtip, la ong ba une u khynnah u la iohpang jur ha Domkyrkoh bad donkam iaka jingsumar ba kyrkieh. Katba ka shnong Domkyrkoh ka hap hapoh ka jaka ai jingsumar jong ka Mawkhiat Sub-Centre, kaba dei ka PM-ABHIM Sub-Centre kaba la pyntreikam myn shem snem. Katei ka Sub-Centre kam da jngai bad haba iaid da ka kjat tang shi kynta shiteng ka shim por na katei ka shnong bad kaba hap hapoh ka Rambrai PHC.
Haba kren shaphang ka kali na ka bynta ki nongpang, kala don ha Chief Minister’s Safe Motherhood Scheme (CMSMS) kaba dei ka kali ba pynbiang na ka bynta ki nongpang ba la shitom jur ha katei ka jaka. Hynrei hashuwa kata, ki nongtrei jong ka jaka ai jingsumar kim shym la ioh jingtip shaphang ka jingshitom jong une u khynnah bad kumta khlem lah ban pynbiang ne pyntreikam iaki kali kit nongpang kiba don ha katei ka por.
Katei ka jingjia ka pyni ruh iaka jingshem jingeh ki paidbah ka shnong Domkyrkoh ha ka leit ka wan. Ka lynti ban ioh rung da ki kali ka iaid lyngba ka shnong Mainop bad kane ka surok ka long ka bym lah shuh ban iaid kali ha ka por ba sniew ka mariang bad ha u slap uba jur. Ki kali ruh ha kane ka jaka ruh ki long kiba duna.
Ka bor ba dei peit ruh kala iohi iaka rukom long kane ka surok kaba ki paidbah ki shem jingeh ha ka leit ka wan ha Domkyrkoh bad kiwei kiwei ki jaka ba jan.
Na ka bynta kane, la pynmih da ka projek ba la tip ka “surok na ka 4 km jong ka Rambrai bad Mawrok PMGSY Road sha Nonglang ban iaid lyngba ka Domkyrkoh, Phase-I (10 Km)” kaba hap hapoh ka Central Road and Infrastructure Fund (CRIF).
Ia kane ka jingshna iaka surok, yn sa ioh pyniasoh beit sha Domkyrkoh bad kan pynbha iaka leit ka wan sha Mawdet bad ki shnong ba marjan. Mar syn pyndep ia kane ka projek, yn sa pynjanai bad pynsuk shuh shuh iaka leit ka wan ha baroh ki aiom bad ban pynjan iaki lad sumar bad kiwei kiwei.
Yn sa pynlong da ka jingjurip na ka liang ka tnad ka koit ka khiah da ka kynhun iatreilang ha kane ka shnong Domkyrkoh ha ka 6 tarik Risaw 2026 bad yn sa don ruh ka jingleit peit ha ki sngi ba bud na ka bynta ka jingpyn ioh iaka jingdonkam ka imlang ka sahlang haba iadei bad ka koit ka khiah bad ka jingshem jingeh haba ki donkam ka jingsumar ba kyrkieh.
Ka bor ba dei peit kala pynpaw iaka jingsngewsih halor ka jingkhlad jong une u heprit bad ka kular ban buddien bha iaka long ka man bad ban shim iaki sienjam ba iadei katkum ki jingshem na ki kam pynshitom ne ki jingshisha na ki ophis bad kiwei kiwei.
