Shillong, Nailar 02: Ka tnad ka koit ka khiah kala pyntip ba mynta ka sngi baroh kiba la khlad na kane ka jingpang COVID-19 positive ki long 13 ngut, East Khasi Hills District 7 ngut, Ri Bhoi 2, South Garo Hills 1, West Garo Hills 2, West Khasi Hills 1, kiba la khlad baroh kila kiew sha ka 1109 ngut haduh mynta ka sngi.
La ai jingkhein ruh kiba la test COVID-19 positive myhta ka sngi ki long 350 ngut ha baroh kawei ka jylla, kiba la test bun eh dei ha East Khasi Hills 197 ngut, West Jaintia Hills 33 ngut, kiba dang shitom baroh haduh mynta ki long 5843 ngut.
Kiba la ioh ia ka jingkoit na kane ka jingpang mynta ka sngi ki long 537 ngut, kiba la koit bun eh dei na East Khasi Hills District 253 ngut, Ri Bhoi District 84 ngut, kiba ka koit baroh na kane ka jingpang ha ka jylla Meghalaya ki long 58987 ngut.
