Shillong, Nailar 21: ka tnad ka koit ka khiah mynta ka sngi kala pyntip ba kiba khlad na kane ka jingpang COVID-19 ha ka jylla Meghalaya ki don 8 ngut bad na kine 7 ngut dei kiba khlem pat ai Tikna, kiba khlad mynta ka sngi ki dei na East Jaintia Hills 1, East Khasi Hills 4, Ri Bhoi 1, South West Garo Hills 1, West Khasi Hills 1, kiba khlad baroh ki long 1269 ngut haduh mynta.
Kiba la test COVID-19 positive mynta ka sngi ki don 231 ngut, kiba la test bun eh dei na East Khasi Hills District 86 ngut, Ri Bhoi 54, West Khasi Hills 50, kiba dang shitom baroh haduh mynta ka sngi ha kane ka jylla ki long 3136 ngut.
Ka tnad ka koit ka khiah kala jingkhein ruh kbia la ioh ia ka jingkoit mynta ka sngi ki long 460 ngut, kiba la koit bun eh ki dei na East Khasi Hills 226 ngut, West Khasi Hills ki don 64 ngut, Ri Bhoi 56 ngut, kiba la koit na kane ka jingpang haduh mynta ki long 69043 ngut baroh.
