Shillong, Nailar 29: Ka tnad ka koit ka khiah kala pyntip mynta ka sngi ba kiba la dep ban ai Tika ha kane ka jylla Meghalaya ban iada na ka jingpang COVID-19 kala kiew sha ka 13,24,165 ngut.
Katkum ka jingkhien kaba la ai ka long ba kiba la dep ai ia ka tika kaba nyngkong ki long 10,20,349 ngut bad kiba la dep ban ai ka Tika kaba ar sien ki long 3,03,816 ngut haduh mynta ka sngi.
Haba ia dei bad kane ka jingai Tika ka sorkar ka la ia leh ban pynsngewthuh ia ki paidbah ba ka long kaba don kamb an ai ia ka Tika ban ia da na kane ka jingpang COVID-19, ka sorkar ka khlem pynbor pat ia ki paidbah, hynrei ka da kyrpad ban ai Tika.
Na ki jingpyntip jong ka sorkar ha kine ki sngi la iohi ba kiba bun na kiba khlad na kane ka jingpang COVID-19 de kiba khlem ai Tika bad kiba bun kiba ioh ia kane ka jingpang ruh dei kiba khlem pat ai Tika, kiba la dep ban ai Tika ka jingkhlad bad kiba ioh pang ruh kila duna.
