Kiba la leit sha Nongthliew PHC pynkyrpang ialade, yn plie noh ia ka MRB, Mairang

Mairang, Jymmang 18: Kane ka long ka jingpyntip paidbah ba ar ngut na ki nongtrei jong ka PHC, Nongthliew ki la ioh ia u khniang jingpang COVID-19 bad namarkata, la kyntu ia ki paidbah kiba la leit sha katei ka PHC ha ka 10 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi.

Shuhshuh, lada don kino kino napdeng kiba shongpynkyrpang ialade ha la iing kiba khie shit, jyrhoh lane jynjar ban ring ne pynhiar mynsiem bad kumta terter, ki dei ban pyntip mardor lyngba ka phone sha ki number phone 94853-95373, 82579-46145, 76420-08817 lane  89740-37257. Ia kane la pyntip paidbah da u Sub-Divisional Magistrate ka Mairang Civil Sub-Division, Mairang.

Ha ka juh ka por U Sub-Divisional Magistrate ka Mairang Civil Sub-Division, Mairang ha ka hukum bala pynmih ha ka 17 tarik u Jymmang, 2021  u la pyntip ba hadien ba la ioh lut ia ki report jong baroh ki high risk contact.

Namar ba la dep pynkhuid ia ka Meghalaya Rural Bank, Mairang Branch bad ki rud ki kiar jongka, kumta la weng noh ia ka Containment Order na ka bynta kane ka Bank bad yn sdang plie noh iaka naduh ka 18 tarik u Jymmang, 2021 naduh ka por 9 baje mynstep.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet