Shillong, K.Lyngkot 11: Ka tnad ka koit ka khiah mynta ka sngi kala pyntip ba kiba la test COVID-19 positive baroh ki don 159 ngut, na East Jaintia Hills 1, East Khasi Hills 131, Ri Bhoi 6, West Garo Hills 14, West Jaintia hills 4, West Khasi Hills 3.
La pyntip ba mynta ka sngi kiba khlad na kane ka jingpang ki don ar ngut, kine ki dei na East Khasi Hills, kiba khlad tang ha East Khasi Hills kala kiew sha ka 1012 ngut, katba ha ka jylla baroh kawei kila kiew sha ka 1489 ngut.
Kiba la koit na kane ka jingpang mynta ka sngi ki don 27 ngut, na kine 25 ngut dei na East Khasi Hills District, West Garo Hills 1, West Jaintia Hills 1, kiba la koit na kane ka jingpang baroh ki long 83396 ngut haduh mynta ka sngi.
Kiba dang shitom baroh na kane ka jingpang ha ka jylla kala kiew sha ka 578 ngut, East Garo Hills 1, East Jaintia Hills 4, East Khasi Hills kaba bun eh haduh 475, North Garo Hills 1, Ri Bhoi 21, South West Khasi Hills 4, West Garo Hills 58, West Jaintia Hills 10, West Khasi Hills 4 ngut.
