Shillong, Kyllalyngkot 20: Ka KSU South West Khasi Hills District ha Ka kyrwoh ba la Phah da u Samla Pulljohnstar Wanniang , Asst. Education Secretary ka ai iaka jingiaroh bad Khublei kitbok kitrwiang ia u samla Chesterpaul Lyngdoh naka shnong Mawlangwir, une u Samla u la dei u soh nyngkong jong ka South West Khasi Hills District kaba dang dei Ka District ba dang thymmai u ban ioh iaka lad ban ia shim bynta haka I- League lyngba Ka jingiasoi jong u iaka Contract bad ka Churchill Brothers FC .
Ka seng KSU ka ong ba ka jingjop jong u ka dei ka jingsarong iaka Jaitbynriew Khasi bad kumjuh ruh iaka District hi baroh kawei. Na Ka liang jongka Seng Ngi ai Ka jingkitbok kitrwiang ia une u Samla ba un nang kiew irat haka lawei jong u kum u rangialehkai bad kum ka Jaitbynriew ritpaid la khmih lynti iaka nam ka burom ba un sa wanrah shuh shuh haki sngi ban wan ym tang iaka ing ka sem hynrei iaka District bad ka Ri hi baroh kawei.
Ka seng ka buh ruh iaka jingkyntu iaki rang bad thei ialehkai jongka Jaitbynriew napoh Ka District khamtam eh ba ki dei ban buh iaka thong hakhmat jongphi khnang ba phin jop haka jingim bad raimaw raidieng kum ki samla ialehkai phi dei ban kiar naki jingmlien ba sniew jong ka kyiad ne ki jingdih buaid na ba Kane kan Sa pynjot ym tang iaka jingim ialehkai jongphi hynrei iaka ing ka sem bad ka imlang sahlang hi baroh kawei.
Shuh shuh , na Ka liang jong ka Seng ka Phah ruh iaka kyrwoh kitbok kitrwiamg Sha I heprit Ilawanshwa Nongsiej na Mawkyrwat iba la poi shaka Final Round jongka Meghalaya Got Talent Season 2. Naka liang jong ka seng, ka buh ka jingkyrpad iaki paradoh Parasnam napoh ka district ba kin kyrshan lem ia ine I heprit donsap naka thain khnang ba in lah ban ioh kheit ia u soh jongka jingjop.
