Shillong, Iaiong 01: Ha ka 1 tarik Ïaiong 2025 ka Hynniewtrep Integrated Teritorial Organization ka la leit ban buh jingthoh ha ka ophis u CEM ka KHADC u bah Shemborlang Rynjah bad ban pqn jingpynshai halor katei ka jinglap jong ka seng.
U bah Donbok Dkhar u president rangbah ka HITO Haba kren sha ki lad pathai khubor u la ong ba na ka liang u CEM ka KHADC u la pynshai ba kane ka khyrdop ka dei kaba la aiwai ha u riew shimet da ka Executive Committee barim.
U bah Donbok u la ong ruh ba ka Executive Committee ba mynta ka la shim khia bha halor kane bad hadien ka jingmih ka jingjia hynin ka sngi ha katei ka check gate, ka la pynduh ruh mardor ïa ka jingaiwai ia utei u riewshimet bad u la ong ba ka Council kan shimti hi noh dalade ïa katei ka khyrdop.
Shuh shuh u la ong ruh ba ka Executive Committee ba mynta kan pynduhlut ia ki jingaiwai ia ki Forest Check Gate ba la ai sha ki riewshimet da ka Executive Committee barim bad ka Council kan pynïaid hi ia ki.
Nalor kata, u la ong ruh ba na ka liang ka council kan sa pynshitom ïa ki briew kiba donkti ha ka kam lum khajna be-aiñ bad na ka liang ka seng ruh kan ïai bteng ban buddien halor kane ka bynta.
U Chief Executive Member (CEM) ka Khasi Hill Autonomous District Council (KHADC) u bah Shemborlang Rynjah, haba kren ha kila lat pathai khubor ha dien ka jingiakynduh bad ka seng HITO u la pynthikna ba ka Council kan ym ai wai shuh sha ki riewshimet ia ki khyrdop lum khajana jong ka tnad Forest hynrei ka District Council kan sa peit hi noh ban pyniaid ia ki khyrdop.
U CEM ka KHADC u la iathuh ba naduh ka 31 tarik lber hi ki jingiasoi ban aiwai ia ki khyrdop lum khajana ka tnad Forest sha ki riewshimet ka council ka la pynkut noh, kumta na ka liang ka tnad hi kan ym aiwai shuh sha ki riewshimet hynrei kan sa peit hi noh ia ki khyrdop lum khajana ka Council.
