Shillong, Naitung 02: Mynta ka sngi ka seng samla pule ka Jaintia Student’s Union (JSU) kala leit tur kynsan sha ophis jong u Deputy Commissioner jong ka West Jaintia Hills District ban dawa ia ka hok jong ki paidbah ki don ha ka shnong Lapangap.
Ha kane ka jingleit tur sha DC ophis na ka liang jong u DC u la ai ka jingkular sha ki nongialam jong ka seng JSU ba un thoh sha ka sorkar jylla ban buh noh ia ki Special Force-10 bad ha ka juh ka por la kular ban ai ka jingiada na ka bynta kito kiba dang hap ban pyndep ia ka jingthung kba.
Na ka liang jong u DC u la kyrpad ruh ia ka JSU ba kin long ki dkhot ha ka kommittee ban wanrah jingsuk ha pdeng ki Karbi bad ki Pnar na ka bynta ban wanrah ia ki lat ki lynti kumno ban weng ia ki jingeh ha kaba ia dei bad ki kam kim ia ka jia khappud.
Na ka liang jong ka JSU ki pynpaw ia ka jingsngew kmne ba DC la ai kane ka jingkular ha kane ka jingiakynduh. Mynta ka sngi palat spah ngut ki paidbah kila leit ban tur sha DC ophis hapoh ka jingialam jong ka JSU ban dawa ia ki lat jong iada ha Lapangap.
