Shillong, Nailar 30: Mynta ka sngi u myntri rangbah ka jylla u Conrad K Sangma u la khot ia ka jingialang ia baroh lai tylli ki District Council jong ka jylla ban ia kren halor ka jingthmu ka sorkar ban pyntrei kam ia ka CrPC bad CPC ha ka jylla Meghalaya baroh kawei.
Haba kren ha ki lat pathai khubor ha dien ka jignialang bad ki CEM jong ki District Council u Myntri Rangbah ka jylla u Conrad K Sangma u la ong ba ha kane ka jingiakren la pynsngewthuh shai ba kan nym don kano kano ka jingktah ia ki iing bishar jong ki District council ne kan ia tyngkhuh bad ki bor jong ka District Council.
Kane ka jingkwah ka sorkar ka long ban pynbeit ia ka jingtrei kam ki iing bishar namar la dep ban pyniakhlad ia ka jingtreikam ha pdeng ki Magistrate ha ki District bad ki iing bishar kiba la dep ban buh ha man ka ki District da ka sorkar.
Mynta ki Judicial Magistrate kiba la thung la hap ban pynkupbor ia ki, kane ka long ban bteng ia kane ka jingbishar na ki Magistrate mynshuwa sha ki Judicial Magistrate kiba mynta, kam don kano kano ka jingthmu ban pynhiar ia ka bor jong ki District Council namar ia ka bor jong ki la kdew shai ha ka riti synshar jong ka Ri India ka khynrngit kaba hynriew.
Ha kane ka jingiakynduh ki lai tylli ki District Council kila pan por ar sngi ba kin dang ia shong bad kin sa kynduh biang ia ka sorkar ryngkat ka jingai jingmut jong ki sha ka sorkar ynda kila ia kynduh biang.
Na ka liang jong u CEM ka KHADC ha ka jingiadon lang u CEM ka JHADC bah Thombor Shiwart bad u Deputy CEM jong ka Garo Hills u Nikman Marak la ong ba kin dang ia kren biang wat la ka sorkar kala dep kular ban kan nym ktah ia ki District Council hynrei kin dang ia kren namar kin hun ia ka jngpynbna ka sorkar kaba la pynkhreh ban pynmih ia ka jingpybna.
