Shillong, Lber 22: Ka KSU Jowai Unit myn ha ka 21 tarik Lber 2025 hapoh ka jinglam khmat u President Ewanmi Phawa, Nidapoi Shadap General secretary, Leonard Dhar bad ki dkhot ka jowai unit la ioh ban ia kynduh bad B.Warjri badei General Manager ka District Commerce bad Industries centre west Jaintia Hills District
Ha kane ka Sngi ka seng ka lah ioh ban pynsngew iaka jingsngew lung mynsiem namar ba hapoh kane ka Centre ka Training ba dei ban ioh kum ka Carpentry ka lah duh noh mynta la bun bun snem namar bym don shuh ki Nonghikai Carpentry , Mechanist bad kiwei kiwei de
Naka liang jong i General Manager kane ka Centre lah ong ba naka liang jong i ruh la dep ban pyntip sha ki bor ba dei khmih iaki kam ban thung iaki trainers khnang ban lah biang ban ai Training iaka Carpentry tangba ka sorkar kam pat leh haduh mynta.
Kum ban shuh pynkynmaw ba haka 19 tarik Jymmang 2022 ka KSU ka la leit jurip ia kane ka Office bad la lap ba ki jait Training kum ka Carpentry kam treikam shuh namar ka jing bym don Nonghikai.
Kumta ha kane ka kynti ka KSU ka la lap lyngba ka RTI ba don haduh 19 tylli ki post ba lait thylli ha kane ka office bad ka dei ruh kane ka daw bah ba dkoh ka office ban ai jingshakri ia ki paitbah.
