Shillong, Naiwieng 30: Mynta ka sngi ha ka jingialam jong u bah A L Hek myntri ka sorkar jylla bad ki nongialam ka party BJP kia leit ban ia kynduh ia u Lat ka jylla u C.H. Vijayashankar ban ia kren kumno ban weng ia ki jingeh ha ka skul bah NEHU, Shillong.
Kane ka jingleit ia kynduh ia u Lat ka jylla mynta ka sngi ka long ka jingbteng kaba kila wan na Delhi ban ia kynduh ia myntri khynnah ka tnad pule puthi ha kine ki sngi ban iakren kumno ban weng ia ka jingeh ha kane ka skulbah.
Ha kane ka jingiakynduh naka liang jong ki nongialam ka BJP ha Meghalaya kila pynsngew sha u Lat ka jylla ia ki lat ki lynti kumno ban weng ia kine ki jingeh kiba la wan rah ia ki jingsangeh trei kam hapoh kane ka skulbah.
Ha kane ka jingiakynduh kila pynsngew ruh sha u Lat ka jylla ia ki jingiakren bad u myntri ka sorkar pdeng bad kane ka jingiakynduh ka long ka jingialeh jong ka party BJP ban pyrshang ban weng noh ia ka jingeh ha kane ka jaka pule kaba la ktah ia ki samla pule.
