Shillong, Nailur 26: Mynta ka sngi u Chief Executive Member ka KHADC bad ki Executive Member kila leit ban ia kynduh ia u Lat ka jylla u Chandrashekhar H. Vijayashankar ha kaba la kyrpad ba un ai noh ia ki hynniew tylli kiba dang sah ba kin long ain noh.
Haba kren ha ki lat pathaikhubor ha dein ba la dep ban ia kynduh ia u Lat ka jylla u CEM jong ka KHADC la ong ba na ki hynniewtylli ki bill kiba la phah sha u Lat ka jylla, ki don ar tylli kiba kongsan bha Khasi Hills Autonomous District (Administration of Elaka) Amendment Bills, 2023.
Kane ka Bill kala poi ha ka miej jong u Lat ha kaba kila pynsngew ba kane ka bill bill ka long kaba don kam haduh katta katta bad na ka liang jong u Lat u la sngewthuh bha ia kane ka Bill, namar kane ka bill ka long haba ia dei jingithuh noh da ka ain ia ki ki seng samla, seng long kmie hapoh ki shnong.
Baroh shikatta ka jingdon ki seng samla, ki seng long kmie hapoh ki shnong ka shu long tang katkum ka jingleh bad ia ka jingbud ia kaba la juh leh ha ki shnong, kamdon katta ka jingithuh da ka ain.
Kawei pat Khasi Hills Autonomous District ( Khasi Social Custom of Lineage) Amendment Bills, 2023, kane ka long haba ia dei bad ka riti dustur jong ka jaidbynriew khasi khamtam kaba ngi don ia ka kur ka jaid bad kum ka long mynta don palat lai hajar jam ki kur ki jaid bad haduh mynta ym pat ithuh da ka ain, kumta sngew ba kane ka Bills ruh ka long kaba don kam.
Na ka liang jong ki EM kiba la don lang ki long bah P N Syiem Deputy CEM, bah Joseph Fantin Lakadong, Bah Karnes Sohshang, bah Alvin Sawkmie, kong Macdalyne Mawlong, ha kane ka jingiakynduh la don lang u Secretary jong u Lat ka jylla u Dr. BDR Tiwari.
