Shillong, Rymphang 13: Mynta ka sngi u Myntri Rangbah ka jylla u Conrad K Sangma mynta ka sngi u la ia kynduh ia u myntri ba dei peit ia ka khaii pateng jong ka sorkar Pdeng u Piyush Goyal ha nongbah Delhi ha kaba u la ia kren ba kumno ka sorkar jylla kala pynkhreh ban khring ia ki nongwan seng kam sha Meghalaya.
Ha kane ka jingiakynduh na ka liang u myntri rangbah ka jylla u la ong ba ka sorkar kala pynkhreh pdiang ia ki nongwan seng kam ha kiba bun ki jait kam bad ban leh ia kane don kam ia ka jingkyrshanlang jong ka sorkar pdeng ba kan ai ia ki jingiarap kiba bun rukom kiba pyntreikam h kiwei ki jylla bad Union Territory.
Ha kane ka jingiakren u myntri rangbah ka jylla u la ong ba ai ia ki jingkyrshan kiba ai ha kiwei ki jylla jong ka Ri India ba ki jylla jong ka thain shatei lam mih ngi jong ka Ri India bad ka ka jylla Meghalaya ruh ka dei ban ioh lang ia kine ki jingmyntoi.
Ha kane ka jingiakren u myntri rangbah ka jylla Meghalaya u la ong ba kane ka thain shatei lam mih ngi jong ka Ri India ka don kam ban kiew ha ka khaii pateng ka ioh ka kot bad ha ka juh ka por u la pynpaw ia ka jingsngew nguh ia ka jingkyrshan ka pdeng na ka por sha ka por.
