Shillong, Jymmang 15: Ka seng Hynniewtrep Youth Council (HYC) hapoh ka jingialam jong u Bah Hercules Suting kum u president jong ka Raid Nongtung Unit, ryngkat ki trai jaka kila kynnoh ba u Bah Barnabas Lyngdoh u la pyndik ia ki ar tylli ki long iing ha kaba ia dei bad ka jaka rep kaba don mar khap bud hapoh ka jingpeit jong ka shnong Khyndewsaw.
Haba kren ha ki nongthoh khubor mynta ka sngi ha Shillong Press Club u Bah Holen Kharwan bad u Bah Shlek Suting, kila kam ba kila ioh ia ka pata na u rangbah shnong ba rim na duh u snem 2005 bad dei haduh u snem 2015 u tei u bah u la leit ban pyndik ia ki tei ki ar tylli ki iing ha kaba ia dei bad katei ka jaka rep.
La iathuh ba na ka liang jong kila leit ban ujor ia kane ka kam sha ka dorbar shnong bad na ka liang jong ka khot ban ia pynbeit ia kane ka kam hynrei u tei u rangbah u ba kila kynnoh ym shym la treh ban wan mih ha khmat jong ka shnong ka ong u Bah Shlek Suting, na ka liang jong ki kim ban se ban pan ia ka jingiarap na ka seng HYC ban ia pynbiet ia kane ka kam.
U Bah Hercules Suting president jong ka HYC u la kyntu ia u Bah Barnabas bay n sngewbha ban nym pyndil shuk ia kine ki nongrep namar na ki kot ki slab a paw ka jaka rep ka dei ka jong ki, kumba ym shym la leit ban mih ha ka dorbar bad um shym la wan ha khmat jong ka seng, ka seng ka kyntu ba um dei shuh ban pyndik ia ki nongrep, lada dang pyndik ka seng kam ban se ban ujor sha ki bor kiba halor.
