Shillong, Risaw 27: Ki nongialam jong ka Seng Khasi Student Union (KSU) jong ka North Khasi Hills District , kila kynnoh kylla ba dei ka jingleh donbor jong u head constable u D Bordoloi ba ka mih ka huri hura ha ka miet 15 tarik mynta u bnai ha Umiam Police station bad u president ka seng.
Haba kren ha ki lad pathai khubor ha ka sngi Saitjain u samla Lambok Rymbai secretary ka seng KSU jong ka North Khasi Hills District ha ka jingiadon lang ki khot ka seng la ong ba ha ka miet 15 tarik mynta u bnai kala don ka jinghuri hura hapoh Sumer bad ha kane ka por ki dkhot ka seng kiba dang wan jingwan ki dang ia bam ja ha katei ka jaka.
Ha dien kane la wan poi ki pulit jong ka Umiam Police station halor ka jingleit ujor jong u Ahamed Ali, ha katei ka por u Head Constable ki pulit u la kynnoh ia ki dkhot jong ka seng KSU, hynrei haba la ia pynsakhi mar khmat u Ali u ba niah ia ka Bolero Pickup u la pynshisha ba ym dei uba u ba la bat da ki pulit.
La kynnoh ba na ka liang jong u Head Constable D Bordoloi u la tan jubor na ka kti ban thep hapoh kali pulit, hynrei na ka liang jong u dkhot ka seng u la pyneh bad khlem kiew hapoh kali jong ki pulit hynrei la tam jubor, halor kane ka jingjia ki dkhot ka seng kila pyntip sha u president ka seng.
Na ka liang jong u head Constable u la pynbor ban ai ia ka ejahar bad ha katei ka miet la kynnoh ruh ba u tei u pulit jong ka Umiam Police Station u la kren bein ia ki dkhot ka seng da kaba kynnoh ba dei kine ki nongthaw pynklumar bad kren bein ruh ia ka seng KSU.
Dei kane ka jingleh donbor jong u tei u pulit kaba la pynlong ba ka sa mih ka huri hura hapoh Umiam Police station, na ka liang jong u tei u nongialam jong ka seng KSU, u la ong namar ba ki sla dieng khlem da beh ka lyer kim lah ban khih, dei ka jingleh beain jong ki hi ruh bas a poi ha une u pud.
Halor kane ka jingshah ujor ehajr u president ka seng jong ka North Khasi Hills District kim kwah ban ong ei ei, hynrei kin sa ia shong pyrkhat bad ka seng kmie ban ia kren ia kane ka kam kaba la shah ujor ejahar u president .
Kum ban shu kdew hangne ba u President jong ka KSU North Khasi Hills District ula ktah kti ia u Head Constable ka Umiam Police Station u D Bordoloi ha ka miet 15 tarik mynta u bnai bad na ka liang u tei u pulit u la ai ia ka ejahar pyrshah ia u nongialam ka KSU kaba ki pulit ki dang thwet haduh mynta.
