Shillong, Naiwieng 27: U Dr Mukul Sangma nongialam ka liang pyrshah mynta ka sngi u la ong ba ki nongtrei jong ka MeECL ki long ki nongtrei kiba peit ia kane ka jaka trei kam bad ha kine ki briew kiba la dep la iohi ba ki nongtrei kila pyrshang ban pynbeit bad ban kiar ban leh ia kiei kiei kiba la lah ban ktah ia ka jingtrei kam jong kane ka shnat trei kam.
Hynrei kaei kaba jia ka long ba baroh ka jingkren jong ki baroh kala hap ha ki skhor jong kiba kyllud namar ba phi la iohi kila kren ia kane sha bar ka iing dorbar bad kum juh hapoh ka iing dorbar bun bun sien, u Dr Mukul u la ong ba na ka bynta ka jingbha jong ka jylla kin ialeh ia kaei kaei kaba biang tam namar ha ki snem kiba la dep kila pyni ia ka jingtrei kam kaba long na ka bynta ka jingbha jong ki paidbah jong ka jylla bad kin dang iai bteng ban leh iakane.
U Dr Mukul u la ong ba u kwah ban pyni ia kawei ka nuska ban pynsuk ia ki paidbah ba kin sngewthuh, haba nga la kren ia ka jingthoh kaba la thoh bniah haduh katta katta na ka bynta ban pynjot ia ka jylla bad kane ki kren ia ka MeECL bad ia kane MeECL la pyndon kam kum ka jaka khem Dud da ki briew kiba don ha ka bor da ki nongialam kiba don mynta ha ka bor synshar.
Na ka liang pyrshah kila kdew shibun ki jingjia kiba la jia ia kane ka jingiasuh buit ha kaba la thoh bah ha kata ka rukom ia kaba la pyntrei kam da kano kano ka lynti da kaba bujli ia ki ophisar u wei ha dien u wei haba kim lah ban leh ia kaba ki kwah da kaba weng ia ki ophisar bad buh da u wei pat bad ia kane lah ban sngewthuh lada peit bniah ia ki jingjia.
U Dr Mukul u la ong ba ki kren ia kitto katne ki skhim ha kaba kala jyllei bha da ki jingthoh kiba beit bha ban khem Dud ia ka MeECL ha ka jinglut jong ka jylla bad kawei na kita ka dei ka Ganol Hydel Power Project kaba kila juh kren bad kiwei ki dei ki kam pynroi kiba don shibun bah kiba la pyntrei kam bad ki ban dang sa pyntrei kam.
Kine baroh ki long ban pynkhlain ia ka jingsam light jong ka MeECL,hynrei ha pdeng jong kine la pyndon kam ha kata ka rukom ia ka MeECL kum ka masi khem Dud bad ha kane ka jingleh kala ktah ia ka jingtrei kam jong ka MeECL bad kane kala ktah ia ka ioh ka kot jong ka jylla kine ki skhim kiba pyntrei mynta ki dei ki jingtrei kiba la slem bha kiba la urlong mynta.
Kaei kaba jia kum ha ka skhim Sobhgya kila dep ban don lypa ia ka jingthmu shano ban ai ha kaba la pynkiew ia ka dor , u la kdew tang ia kawei ka jingtrei ha kaba ia dei bad ka jingtrei kaba long 70% jong ka jingtrei bad kata ka long ban pynpoi iaki post ilektrik u wei u jait 9.5 meter bad ka dor jong u ka long T.16900/- u wei hynrei ka Satnam kompeni kala buh dor T. 24176/- kane ka long ha ki bynta jong ki lum khasi.
Kat sha ki bynta jong ka Garo Hills ka Unickon kala buh dor T.28830/- kumba ka long ka dor ka long T.16800/- katba ka bor ba buh pat ka long T.28830/- kane ka jingiapher ka la kot sha ka 70.59% na ka dor sorkar kaba la pynkiew sha ba la palat.
