Shillong, Jylliew 27: Ka Synjuk Ki Durbar Shnong Shillong West (SKDSSW) hapoh ka jingialam jong u Bah Mohendro Rapsang MLA kala ia kynduh ia u myntri ka tnad Social Welfare u bah Kyrmen Shylla ban ia kren halor ka jingeh kaba mih na ka kam khaii bad dih drugs.
Haba kren ha ki lad pathai khubor u myntri ka sorkar jylla u Bah Kyrmen u la iathuh ba ha kane ka jingiakren na ka liang jong ka synjuk ki rangbah shnong kila kyntu ia ka sorkar ba kam dei ban ai jamin tang hapoh ar lai sngi ha dien ba kila shah kem namar kumba ka long mynta lada kem ia ki tang hapoh ar sngi kila lait jamin.
Ha kane ka jingiakynduh bad ka synjuk na ka liang jong u myntri u la iathuh ba ka sorkar kala pynkhreh mynta ban wanrah noh ia ka State Police na ka bynta ban khanglad ia ka jingdih drugs ha kane ka jylla bad kumno ban pynkylla ia kito kiba la ngop ha kane ka jingdih ba sniew.
La iathuh ba ia mynta ka dang don ha ka jingpynkhreh ia kane ka policy bad ka sorkar kan shim ia ki lad ki lynti baroh ba ha kane ka policy kaba ka sorkar kan wanrah kan don ka jingkhanglad ia kane ka jingdih kaba pynsiew ia ki samla bad wat ia ki rangbah ruh kum juh.
