Shillong, Jymmang 09: Da ka jingsngew khiah ia ka jingeh ba ki nongrep ki ia kynduh na ka liang ka Meghalaya Traders Fresh Vegetable and Genger Association Mynta ka 9 tarik u Jymmang 2024 ki la ioh ban leit ban Ia kynduh ia u symbut Myntri Rangbah ka Jylla u bah Prestone Tynsong ban ia kren halor ka jingshah bat ki kali kit jhur ha poh ka Jylla.
Ha kane ka jingleit ban ia kynduh kane ka Association ka la ioh ban pynsngew ia ki jingeh ba kim ia kynduh ha lor ka jingsahkut ki trok kit jhur ha ki thain Kuliang bad Ratacherra namar ka jingsniew ka sourok bad khamtam eh ha kine ki por ba jurslap ha ka ba kala wanrah ia ka jingpyut jong ki jhur ki jhep.
Kane ka Association ka la pynsngew ruh sha u bah Prestone Tynsong halor ka jingshah bat jong ki truck ha ki no entry bad na ka liang u Myntri u la kular ba unsa khot jingialang ia ki officer jong ki tnad Transpor bad Agriculture bad kiwei kiwei. U bah Tynsong u la ioh ruh ban ia kren bad u SP ka East Khasi Hills ha ka ba u la kular ba ki nongrep kim dei mat ia ki jingeh.
Ha ba ioh ban ia kren bad u general secretary jong ka seng ki nongkhaii jhur u bah Ferdinand Mawrie u la ong ba kijingeh ba ki ia kynduh ka long ba ka jingbun jong ki gate ki b alum khajna ia ki marep bad khamtam eh ha ki por mynmit ba ka don ruh ka jingshah ktah kti jong ki driver jong kine driver ki ba kit ia ki jhur.
U la ong ruh ba ki buh ka jingkyrpat ia ka sorkar ba kan pynlait ia ki truck kit jhur ha dien ba ki lah dep ban thep ia ki jhur jongki na khlieh iewduh khnang ba kan pynlait ia ka jingpyut ki jhur ki jhep ki ba ki nongrep ki pynmih na ka Jylla.
