Shillong, Lber 20: Ka sorkar kala dei buhnoh da ki kyndon ha kaba thang rynga ban lait na ka jingsyllen ki khlaw ki btap, bun na ki khlaw ha Bhoi bad West Khasi Hills District ki kylla syllen namar ka thang rynga.
Ka kam thang rynga ha ri lum khasi bad Jaintia Hills kam dei shuh ka kam kaba thymmai hyrei ka dei kaba la slem bad ka jingthang rynga ka long ban pyndon kam ha ki iing ban shet jingshet bad ban syaid ding.
Ka jingthang rynga kala kham jur naduh ba la wan ki karkhana sain mawlein ha ki ar tylli ki lai tylli ki District jong ka jylla, ha EPIP jong ka Ri Bhoi, ka Industrial Area ha Umiam bad ha West Khasi Hills District ha Rywiang.
Ha dien ka jingkhang pom dieng da ka iing bishar kaba ha khlieh duh jong ka Ri India ha u snem 1996, kane ka kam thang ryngka ha kane ka jylla kala dang jur bad kane ka dang iaid bteng haduh kine ki sngi ha ki lum khasi bad Jaintia Hills.
