Shillong, Risaw 01: Ka kynhun State Disaster Response Force (SDRF) mynta ka sngi kala ioh ban sei sa ia ki ar tylli ki met iap kaba ki khlem lap ha ka sngi palei ha ka jinghap ka MTC bus ha wah Ringdi ha Nongshram ha East Garo Hills District.
Ia ki ar tylli ki metipa kiba khlem lap mynnin ka sngi, kawei la ioh ban sei mynta ka sngi ha ka por 9.00 baje mynstep bad kawei pat la ioh bansei ha ka por noh phai sngi mynta ka sngi, da ka jinglap ia kine ki met iap, kiba khlad ha kane ka jingkylla ka bus kala kiew sha ka 8 ngut.
Kiba mynsaw baroh ha kane ka jinghap kane ka bus ka long 13 ngut, kiba kiew na Tura 9 ngut, kiba kiew na Williamnagar 12 ngut baroh ki long 21 ngut, ia kane ka kynhun ban wat ia kiba khlad bad ban pynlait ia kiba mynsaw la ialam da u T K Sangma, Deputy Controller of Civil Defence, East Garo Hills District bad hynniew ngut ngut kiwei ki kynhun ka SDRF.
