Shillong, Nailar 10: Ban wanrah ia ka jingiatylli hapdeng ki 10 tylli ki Autonomous District Council kiba don ha kane ka thain shatei lam mih ngi ka Ri India ha ka jingialang kaba la long mynta ka sngi ha nongbah Shillong kila rai ban thaw ia kawei ka Kommittee ban wanrah ia ka jingtylli hapdeng baroh ki ADCs.
Haba kren ha ki lat pathai khubor u CEM jong ka KHADC u bah Pyniaid Sing Syiem la ong ba ha kane ka jingialang la rai ban thaw ia kawei ka kommitee kaba kyrpang ia kaba kim pat jer ia ka kyrteng ban peit ia ka jingialong kawei ki ADCs kane ka thain.
Ha kane ka jingialang ka jied ia u CEM jong ka KHADC u bah Pyniaid Sing Syiem kum u nongkhot ia jingialang, la don ruh sa ar ngut kiban ia rap u C Lalmunthanga CEM ka Lai Autonomous District Council bad u Pramod Boro CEM jong ka Bodoland TerritorialCouncil.
Ha kane ka jingialang la jied ruh ar ngut ki nongaibuid u Pradyot Bikram Manikya Deb Barma shongknor ka Tripasa, u Elwin Teron MDC ka KAAC, ha kane ka committee la jied ruh shiphew ngut ki dkhot ha kaba la shim u wei uwei na kawei ka ADCs.
Ha kane ka jingialang la shim ia ka rai ruh ban dang ia ka jingiapyninam ia ki riam bad ki shat tynrai hapdeng kine ki 10 tylli ki ADCs bad kane ka jingpyninan kan long shisien shisnem kawei ha dien ka wei jong ki ADC katkum ka pali, kane ka long ban wanrah ia ka jingiajan.
Ha kane ka jingialang u CEM jong ka BTC la ong ba ai jaka ia ki ADC lada ki kwah ban buh ne shna ki kynja iing ha katei jaka, na ka liang jong ka Tripasa kin ai jaka ban buh ia ka dur mot u J J M Nichols Roy u nongsain dur ia ka Sixth Schedule bad kawei ka skul phareng ha ka kyrteng u Syiem Tirot Sing ha Tripura.
Kane ka jingialang mynta ka sngi ka long ban ia kren ia kaei kaba kila dep ban ai ia ka dorkhas sha u myntri kam poh iing ka sorkar pdeng u Amit Shah ia kaba u la ong ban peit ia ka hapoh ka 25/Nailar/2024 ha kaba ka tnad kam poh iing kila thaw ia ka kommitee ban ia kynduh bad ki na ka por.
Haba ia dei bad kane na ka liang jong ki 10 tylli ki ADCs kila ia kren mynta ka sngi ba kin sa ia kynduh biang sa shisien shuwa katei ka sngi ban ia kynduh ia ki ophisar jong ka tnad kam poh iing ba kin ia kynduh biang na ka por sha ka por bad shuwa ban ia kynduh ia ki ophisar jong ka tnad kam poh iing kin sa kynduh biang.
